Poytaxtimizda IV Toshkent Xalqaro Investitsiya Forumi o'z ishini boshladi. MKBANK ham mazkur forumda faol ishtirok etmoqda.
Forum 9–12-iyun kunlari Oʻzbekistonning sanoat va investitsiya salohiyatiga bagʻishlangan birinchi milliy koʻrgazma sifatida Markaziy Osiyo Koʻrgazmalar Markazi (CAEx Centre)da oʻtkazilmoqda.
Koʻrgazmadan koʻzlangan asosiy maqsad, Oʻzbekiston iqtisodiyotini rivojlantirishga qaratilgan strategik loyihalarni qoʻllab-quvvatlashdan iborat.
Forum doirasida ilk Milliy investitsiya ko'rgazmasi tashkil etilib, unda o‘ndan ortiq sohalar bo‘yicha yirik xususiy va mahalliy kompaniyalar, tijorat banklari o'z loyiha hamda imkoniyatlarini xalqaro investorlarga taqdim etmoqda.
Tadbir doirasida panel muhokamalari, bir qator strategik bitimlar imzolanishi va biznes uchrashuvlar o'tkazilishi rejalashtirilgan.
E’tiborlisi, forum kun tartibi juda boy bo‘lib, MKBANK o‘z loyihalari va imkoniyatlarini xalqaro investorlar e’tiboriga taqdim qilmoqda. Shuningdek, MKBANK rahbariyati yuqori darajadagi muzokaralar, nufuzli uchrashuvlar va muhokamalarda ishtirok etmoqda. Bu albatta, O'zbekistonning jahon iqtisodiy maydonidagi mavqeini yanada mustahkamlashga xizmat qiladi.
Toshkent xalqaro investitsiya forumi nafaqat mamlakatimiz iqtisodiy yutuqlarini namoyish etadi, balki uning yangi qiyofasini – jahon maydonidagi ochiq, ishonchli va jozibador hamkorini shakllantiradi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
