“Mikrokreditbank” aksiyadorlik-tijorat banki Germanyaning “ODDO BHF” banki bilan hamkorlik aloqalarini o‘rnatdi.
Unga ko‘ra, o‘zaro hamkorlikda savdoni moliyalashtirish, akkreditivni tasdiqlash, bank kafolatini berish, xorijiy kredit liniyalarini ochish, g‘aznachilik amaliyotlarini amalga oshirish maqsad qilingan.
Ta’kidlash joizki, 2023-yilda bank mijozlari tomonidan 585 ta eksport shartnomalari boʻyicha 48,5 mln. AQSh dollar miqdorida eksport tushumlari amalga oshirildi. Shundan tovar eksporti 37,1 mln. AQSh dollar, xizmatlar eksporti 9,8 mln. AQSh dollarni tashkil etadi.
“ODDO BHF” banki bilan hamkorlik ushbu yo‘nalishdagi ishlar samaradorligini yanada oshirishga xizmat qiladi.
Ma’lumot uchun, “Mikrokreditbank” ATB tomonidan so‘nggi yillarda xalqaro hamkorlik aloqalarini rivojlantirishga alohida e’tibor qaratilmoqda.
Bank Axborot xizmati
Yana ko‘ring
MKBANK: Korrupsiyani birgalikda to‘xtataylik!
