Yoshlar har bir davlatning kelajagini, salohiyatini belgilovchi muhim ijtimoiy qatlam. Zero, har bir jamiyatning holati, taqdiri va istiqboli unda yashayotgan yoshlarning salmogʻi, maʼnaviyati va ongliligi darajasi bilan belgilanadi. Yoshlar jamiyatning ertangi kelajagi, uning faol aʼzosi, taʼbir joiz boʻlsa jamiyat ertasining munosib vorislaridir.
Joriy yilning 27-iyun kuni “Mikrokreditbank” ATB Boshqaruv raisi O.Butayev va Boshqaruv raisi oʻrinbosari I.Djumaniyazov 30-iyun – Yoshlar kuni munosabati bilan tizimda faoliyat yuritayotgan faol, tashabbuskor yosh xodimlar bilan uchrashuvi bo‘lib oʻtdi.
Bank rahbariyati davlatimiz rahbari tomonidan yoshlar uchun qulay sharoit yaratish hamda ragʻbatlantirishga doimiy eʻtibor qaratilayotganini taʼkidlab, ularning tashabbus va takliflarini doim qoʻllab-quvvatlashga tayyorligini maʻlum qildi.
Shuningdek, rahbariyat tomonidan yoshlar bank taraqqiyotida muhim oʻrin egallashi, ularning bilim va salohiyati – ertangi yutuqlarimiz asosi ekani alohida taʻkidlandi.
Samimiy va qiziqarli interaktiv oʻyinlarni oʻz ichiga olgan mazkur muloqot davomida yoshlar oʻz taklif va tashabbuslarini bildirishdi.
Jamoaviy va individual bellashuvlarda departament direktorlarining ham ishtirok etishi, jamoalarga dalda berib, qo‘llab-quvvatlashlari tadbirga yanada ko‘tarinki kayfiyat bag‘ishladi. Ayniqsa, bu yoshlarning jamoaviy ruhini oshirdi va bir-birlari bilan yaqinroq tanishishlariga yordam berdi.
Tadbir yakunida eng faol yoshlar turli nominatsiyalar boʻyicha diplomlar va esdalik sovgʻalari bilan taqdirlandi.
Bank Axborot xizmati
Yana ko‘ring
Pul yuborish va qabul qilish endi yanada oson
Xalqaro imkoniyatlar: Xinjiang Bank’da yana bir korrespondentlik hisobi
