Mamlakatni dunyoga tez tanitadigan soha, bu — sport. Sport millat va irq tanlamaydi, u barchani o‘z atrofida birlashtiradi. Sport nafaqat aholi salomatligini mustahkamlaydi, balki sog‘lom avlodni tarbiyalashning asosiy mezonlaridan biri sanaladi. Shu boisdan ham yurtimizda sportga bo‘lgan e’tibor kuchaymoqda.
Xabaringiz bor, yurtimizda aholining barcha qatlamlari oʻrtasida jismoniy tarbiya va sportni ommalashtirish orqali ularning jismoniy qobiliyati va harakat faolligini takomillashtirish, mehnatga layoqatini oshirish va sogʻlom turmush tarzi koʻnikmalarini shakllantirish maqsadida sport sinovlari tashkil etildi.
Unda boshqa tashkilotlar qatori Markaziy bank va tijorat banklarining bir guruh xodimlari ham faol ishtirok etdi hamda gʻoliblikni qoʻlga kiritdi.
Jumladan, sport sinovlariga xodimlarni keng jalb etish hamda ular tomonidan qayd etilgan natijalar borasida faollik koʻrsatganligi uchun Sport vazirining tegishli buyrugʻiga muvofiq “Mikrokreditbank” aksiyadorlik-tijorat banki Boshqaruv raisi oʻrinbosari - Ibragimova Shaxlo Alimbayevna “Jismoniy tarbiya va sport aʼlochisi” koʻkrak nishoni bilan taqdirlandi.
Ushbu yutuq bilan Shaxlo Alimbayevnani chin dildan tabriklaymiz va kelgusida ham sog‘lom turmush tarzini targ‘ib qilish borasidagi ishlaringizda ulkan omadlar tilaymiz!
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
