Joriy yilning 10-oktabr kuni Toshkent davlat iqtisodiyot universitetida “Banklarni transformatsiya qilish va bank xizmatlari bozorida raqobatni rivojlantirish yo‘nalishlari” mavzusida xalqaro ilmiy-amaliy konferensiya o‘tkazildi.
Unda “Mikrokreditbank” ATB vakillari ham ishtirok etishib, konferensiya qatnashchilari uchun bank faoliyatini transformatsiya qilish hamda bankni rivojlantirish strategiyasi doirasida amalga oshirilayotgan ishlar va kelgusidagi rejalar toʻgʻrisida taqdimot o‘tkazishdi.
Shuningdek, tadbir davomida ishtirokchilarga bankni rivojlantirish strategiyasini amalga oshirish davomida erishilgan natijalar, xalqaro auditorlik va konsalting kompaniyalar bilan hamkorlikda qilingan ishlar, bank xizmatlari bozorini rivojlantirishda xorij tajribasidan keng foydalanish, xizmatlar sifatini yanada oshirish, biznes jarayonlarni raqamlashtirish va transformatsiya yo‘nlishlaridagi loyihalar to‘g‘risida ham ma’lumotlar berildi.
Samimiy muloqot tarzida o‘tgan konferensiyada tadbir ishtirokchilari va talabalar o‘zlarini qiziqtirgan savollarga javob olishdi.
Ta’kidlash kerakki, mazkur xalqaro konferensiyaning asosiy maqsadi – davlat ulushi mavjud tijorat banklarini kompleks transformatsiya qilish va xususiylashtirish, bank infratuzilmasini yanada yaxshilash, bank xizmatlari ko‘rsatish sifatini oshirish hamda bank xizmatlari bozorida raqobatni rivojlantirish bo‘yicha ilmiy-amaliy asoslangan taklif va tavsiyalar ishlab chiqish hisoblanadi.
Bank Axborot xizmati
Yana ko‘ring
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
