Teatr har bir davrda, hayotiy saboqlar beruvchi jonli vosita hisoblangan. Inson ma’naviyati yuksalishida ham uning o‘rni bo‘lakcha. Shuning uchun bo‘lsa kerak, teatrni ibratxonaga qiyoslashadi. Bu yerda namoyish etiladigan har bir sahna asari tarbiyaviy ahamiyatga ega. Qolaversa, teatr inson ma’naviyati, madaniyatini boyitadi, estetik zavq beradi. San’at ana shunday qudratli kuchga ega.
“Mikrokreditbank” ATB tomonidan “Teatr — ibratxonadir” dasturi doirasida bankning Bosh ofisi, hududiy boshqarmalari, BXM va BXOlarda faoliyat yuritayotgan xodimlar hamda ularning oila aʼzolari uchun teatrlarga sayohatlar tashkil etilmoqda.
Jumladan, noyabr oyida Farg‘ona va Toshkent viloyati hududiy boshqarmasi xodimlari hamda ularning farzandlari uchun teatrlarga tashriflar amalga oshirildi.
Xodimlar Farg‘ona davlat qoʻgʻirchoq teatrida “Sehrli tush”, O‘zbekiston davlat drama teatrida “Romeo va Julyetta” spektakllarini tomosha qilishdi.
Xodimlar va ularning farzandlari spektakllarni zo‘r qiziqish bilan tomosha qilishdi. Bu tashrif barchada katta taassurot uyg‘otdi.
- Teatrga kelib, spektaklni jonli tomosha qilish, aktyorlarning jonli ijrosidan bahramand bo'lish insonga boshqacha kayfiyat beradi. Spektakl davomida o'zimni o'sha muhitga tushib qolgandek his qildim. Ayniqsa, Romeo va Julyettaning zahar ichish sahnasini ko'rib ko'zimga yosh keldi, deydi xodimlardan biri.
Albatta, bunday taassurotlar ularni teatrga bo‘lgan mehrlarini yanada yuksaltirishiga ishonamiz.
MKBANK xodimlarni qo‘llab-quvvatlash, ayniqsa, ularning ma’naviy hordiq olishi uchun sharoit yaratish maqsadida milliy vatanparvarlik va umuminsoniy qadriyatlarni targ‘ib qiluvchi teatr, kino, muzey va konsertlarga tashriflarni tashkil qilishda davom etadi.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
