Kuni kecha “Mikrokreditbank” ATB xodimlari ishtirokida Toshkent davlat iqtisodiyot universitetida “Tijorat banklarida marketing va reklama faoliyatini takomillashtirish” mavzusidagi ilmiy seminar o‘tkazildi. Seminar Toshkent davlat iqtisodiyot universitetining “Marketing” kafedrasi tomonidan bank bilan innovatsion korporativ hamkorlik doirasida tashkil etildi.
Seminarda bankimizning Marketing va reklama boshqarmasi boshlig‘i Javohir Akramov va bo‘lim boshlig‘i Abdulaziz Abdullayevlar ishtirok etishdi.
Mazkur seminar davomida professor-o‘qituvchilarga banklar faoliyatida marketingning o‘rni, ularda reklamani tashkil etishni takomillashtirish hamda zamonaviy texnologiyalarni qo‘llagan holda moliya tashkilotlari marketingini rivojlantirish bo‘yicha taqdimot ham taqdim etildi.
Samimiy muloqot tarzida o‘tgan seminarda professor-o‘qituvchilar banklar faoliyatida marketing bo‘yicha amaliyot va nazariyaning o‘zaro bog‘liqligini ta’kidlashdi va o‘zlarini qiziqtirgan savollarga javob olishdi.
Bank Axborot xizmati
Boshqa yangiliklar
Jizzaxlik tadbirkor va aholi bilan uchrashuv o’tkazildi
MKBANKning yangi UZCARD kartalari: Sherdor va Moment!
