Bugun "Mikrokreditbank" ATB Xorazm viloyat hududiy boshqarmasida mahalla bankiri va yordamchi-agentlar faoliyatini samarali tashkil etishga bag‘ishlangan seminar bo‘lib o‘tdi.
Bank Boshqaruv raisi o‘rinbosari Sh.Ibragimova rahbarligida tashkil etilgan ushbu tadbirda 21 nafar mahalla bankiri, 70 nafardan ortiq yordamchi-agentga mutaxassislar tomonidan moliyaviy, huquqiy bilim va ko‘nikma hamda kelgusida korrupsion holatlarga yo‘l qo‘ymaslik yuzasidan muhum tushunchalar berishdi.
E’tiborlisi, ushbu yordamchi-agentlarning 50 nafarga yaqini xotin-qizlardan iborat bo‘lib, bu ularning moliyaviy xizmatlar ko‘rsatishdagi faolligini oshirishga xizmat qiladi.
Mazkur tadbirda viloyat Markaziy banki vakillari ham ishtirok etib, mahalla bankiri va yordamchi-agentlarning samaradorligini oshirish bo‘yicha o‘zlarining muhim tavsiyalarini berishdi.
Mikrokreditbank aholiga sifatli va tezkor moliyaviy xizmat ko‘rsatish maqsadida ushbu yo‘nalishda amaliy ishlarni davom ettiradi.
Bank Axborot xizmati
Yana ko‘ring
Bayram kunlaridagi ish tartibi!
