Koʻchat ekib, bogʻ yaratish, atrof-muhitni toza va ozoda saqlash xalqimizning asrlar sinovidan oʻtgan milliy qadriyatidir. Barchamizga maʼlumki, davlatimiz rahbari tashabbusi bilan yurtimizda “Yashil makon” umummilliy loyihasiga start berildi va bu ishlar doirasida respublikamiz hududlarida manzarali, mevali va boshqa turdagi daraxt, buta koʻchatlari ekilmoqda.
Bugun ushbu loyiha doirasida MKBANK xodimlari ishtirokida daraxt ekish tadbirlari amalga oshirildi.
“Yashil makon” umummilliy loyihasi doirasida MKBANK uchun ajratilgan Toshkent viloyati Boʻstonliq tumani togʻ va togʻ oldi hududidagi 36 gektar yer maydonida 18 000 tup daraxt ekish tadbirlari uyushqoqlik bilan boʻlib oʻtdi.
Tadbirga Boshqaruv raisining oʻrinbosari Ikrom Djumaniyazov boshchilik qilib, daraxt koʻchatlarini ekishni boshlab berdi.
Uyushqoqlik bilan tashkil etilgan tadbirda 3 000 tup aynan ushbu yer maydoniga xos achchiq bodom daraxti koʻchatlari ekildi.
Ayni kunlarda ushbu topshiriqlar ijrosini taʼminlash maqsadida bankning barcha hududlarida turli daraxt va buta koʻchatlarini ekish ishlari jadal davom etmoqda.
Bunday loyiha doirasidagi tadbirlardan koʻzlangan maqsad - tuman va shaharlarda hamda aholi punktlarida ekologik vaziyatni yaxshilash, hududni yashil makonga aylantirishda tashabbuskorlik koʻrsatish boʻyicha eʼtiborni yanada kuchaytirishdan iboratdir.
Bu kabi obodonlashtirish ishlari respublikamiz boʻylab yuqori ruhda davom etmoqda.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
