Tilshunos olimlar inson hayoti uchun suv va havo qanchalik zarur boʼlsa, soʼz ham shunday ulugʼ maqomga egaligini doimo eʼtirof etishadi. Soʼz tirik jon yangligʼ ilohiy neʼmat, unga yolgʼon, soxtalik aralashsa, taʼsir kuchi va jozibasini yoʼqotadi.
Til — millat koʼzgusi. Darhaqiqat, tili rivojlanmagan elning ruhida yuksalish boʼlmaydi, u oʼzligidan, milliyligidan tobora uzoqlashaveradi. Milliy til xuddi bayroq, madhiya, gerb kabi qadrli va aziz. Unda har bir millatning ruhi, dunyoqarashi aks etadi. Shu bois ham ona tilimizni ulugʼlash, uning borligini-da bir neʼmat bilib, bayram sifatida nishonlash har bir millat vakili uchun farzdir.
Bilamizki, 2019-yil 21-oktabr kuni Davlatimiz rahbari «Oʼzbek tilining davlat tili sifatidagi nufuzi va mavqeini tubdan oshirish chora-tadbirlari toʼgʼrisida»gi Farmonni imzoladi. 2020-yil 10-aprelda esa Davlatimiz rahbari tomonidan «Oʼzbek tili bayrami kunini belgilash toʼgʼrisida»gi Oʼzbekiston Respublikasining Qonuni imzolanib, 21-oktabr Oʼzbek tili bayrami kuni etib belgilandi.
Oʼzbek tiliga davlat tili maqomi berilganligining 33 yilligi hamda 21 oktabr — Oʼzbek tili bayrami kuni munosabati bilan bugun “Mikrokreditbank” АTBda ham maʼrifiy-madaniy tadbir oʼtkazildi.
Tadbirda filologiya fanlari boʼyicha falsafa doktori, Senat bosh maslahatchisi, Yozuvchilar uyushmasi aʼzosi, shoir, “Oʼzbekiston belgisi” koʼkrak nishoni sohibi Аzizbek Turdiyev, Oʼzbekistonda xizmat koʼrsatgan madaniyat xodimi, "Shuhrat" medali, "Madaniyat va sanʼat fidokori" koʼkrak nishoni sohibasi, “Saodat” jurnalining Bosh muharriri, shoira Munavvara Usmonova va Oʼzbekistonda xizmat koʼrsatgan madaniyat xodimi, “Shuhrat” medali sohibasi, shoira, “Saodat” jurnalining muharrir oʼrinbosari Qutlibeka Rahimboyevalar ishtirok etishib, ular bilan tilimizning bugungi yutuq va bu yoʼlda amalga oshirilayotgan ishlar haqida fikr almashildi.
Аyniqsa, mehmonlarning tilimizni asrash va uning bugungi mavqei haqidagi hayotiy misollari, sheʼr va maʼruzalari bank xodimlarining bu boradagi bilimlari kengayishida foydali boʼldi. Savol-javoblarga boy oʼtgan mazkur tadbir barchada katta taassurot qoldirdi.
Shundan soʼng, bank xodimlari oʼrtasida tashkil etilgan tanlov gʼoliblariga oʼz sovgʼalari topshirildi.
Yana ko‘ring
MKBANKda korrupsion holatlar bo‘yicha infografik ma’lumot
Tizimda korrupsiya holatlari va noqonuniy harakatlar haqida xabar berish uchun aloqa kanallarimiz 24/7 rejimida ishlaydi.
Jizzaxda bank xodimlari uchun o‘quv-seminar tashkil etildi
O‘quv jarayonida ishtirokchilarga korrupsiyaning salbiy oqibatlari, uning iqtisodiyot va jamiyat rivojiga ta’siri haqida batafsil ma’lumotlar berildi.
