1-oktabr – Ustoz va murabbiylar kuni munosabati bilan MKBANK bosh ofisida bayram tadbiri tashkil etildi.
Tadbirda bank Boshqaruv raisi o‘rinbosari I.Djumaniyazov ishtirok etib, tizimda mehnat qilib kelayotgan ustozlarimizni bayram bilan tabrikladi.
Quvonarlisi, bankda uzoq yillar halol mehnat qilib, ko‘pning e’tiborini qozongan, yoshlarga har jihatdan o‘rnak bo‘lib kelayotgan fidoyi xodimlarning mehnatlari alohida eʼtirof etildi va esdalik sovg‘alari toposhirildi.
Darhaqiqat, minglab murg‘ak qalblarga oqu-qorani tanitadigan, ezgulik yog‘dusini baxsh etadigan, kelajakka tiyrak nigoh tashlashga o‘rgatadigan, yoshlar qalbida ertangi kunga qat’iy ishonch uyg‘otadigan, shogirdlari uchun hayotning achchiq-chuchuk sinovlarida doimo yordamga shay turadigan o‘qituvchi va murabbiylar mehnatining o‘lchovi, qiyosi yo‘q.
MKBANK jamoasi barchangizni kasb bayramingiz bilan samimiy muborakbod etadi, mehribon ustozlar!
Bank Axborot xizmati
Yana ko‘ring
UPT orqali pul o‘tkazmalarini qabul qilish yanada soddalashdi
MKBANKning "Bank of China"da to‘g‘ridan-to‘g‘ri korrespondentlik hisobvarag‘i ochildi
