Mustaqil Oʻzbekiston davlatining dunyo xaritasidan oʻrin egallaganiga 32 yil boʻldi. Tarixan qisqa davr ichida kuchli demokratik huquqiy davlat va erkin fuqarolik jamiyatini shakllantirish yoʻlida dadil qadamlar qoʻyildi. Istiqlol tufayli o‘zligimizni angladik, ozod xalq, mustaqil davlat sifatida O‘zbekistonning bor bo‘y-bastini, ulkan salohiyatini butun dunyoga namoyon qilish imkoni ochildi.
Vatan mustaqilligi – bu qadr-qimmatini hech narsa bilan o‘lchab bo‘lmaydigan, bebaho ne’mat. Shu bois ham biz uchun eng ulug‘, eng aziz ayyom bo‘lmish Mustaqillik bayramini har tomonlama katta tayyorgarlik bilan kutib olish mamlakatimizda ezgu an’anaga aylanib qolgan.
Ana shu an’ana “Mikrokreditbank”da davom ettirilib, “Yangi hayot uchun, Yangi O‘zbekiston uchun!” shiori ostida Oʻzbekiston Yozuvchilari uyushmasi aʼzosi, “Oʻzbekistonda xizmat koʻrsatgan madaniyat xodimi”, “Doʻstlik” ordeni sovrindori, isteʼdodli shoira Zulfiya Moʻminova bilan ijodiy uchrashuv bo‘lib o‘tdi. Unda shoira o‘z ijodidagi she’rlaridan o‘qib, istiqlolning qadri naqadar ulug‘ligi haqida fikr bildirdilar.
Shuningdek, uchrashuvda Boshqaruv raisi o‘rinbosari I.Djumaniyazov ham ishtirok etib, bank yoshlari bilan mustaqillik va ma’naviyat to‘g‘risida suhbatlashdi.
Tadbir davomida “Eng yaxshi kitobxon" tanlovining 2-bosqich g‘oliblari Boshqaruv raisi o‘rinbosari I.Djumaniyazov va shoira Zulfiya Moʻminovadan esdalik sovg‘alarini qabul qilib olishdi.
Bank xodimlari o‘zlarini qiziqtirgan savollarga javob olish bilan birga, tadbir davomida tashkil etilgan “Yangi Oʻzbekistonda el aziz, inson aziz” nomli diktantlar tanlovida ham ishtirok etishib, o‘zlarining davlat tilida ish yuritish bo‘yicha ko‘nikmalarini yana bir bor sinovdan o‘tkazishdi.
Shu o‘rinda ta’kidlash kerakki, Oʻzbekiston Yozuvchilari uyushmasi tomonidan bank xodimlari uchun taqdim etilgan kitoblar jamlanmasi tabdir ishtirokchilari uchun ajoyib bayram tuhfasi bo‘ldi.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
