Mikrokreditbankda bugun O‘zbekiston Respublikasi Vazirlar Mahkamasi huzuridagi O‘zbek tilini rivojlantirish jamg‘armasi bilan hamkorlikda oʻzbek tili rivoji uchun nashr etilgan “Oʻzbekiston joy nomlari”, “Davlat tilida ish yuritish”, “Ona tilim-mangu makonim”, “Axborot texnologiyalari atamalarining izohli lug‘ati” kitoblarining taqdimoti oʻtkazildi. 

Tadbirda bank xodimlari, yoshlar hamda Davlat tilida ish yuritish va malaka oshirish markazi vakillari ishtirok etishdi.

Maʼnaviy tadbirda O‘zbek tilini rivojlantirish jamg‘armasining 2022-yildagi faoliyati hamda bankka taqdim etilgan kitoblar haqida batafsil maʼlumot berildi.

5 (3).png

Taqdimoti o’tkazilgan kitoblar olimlar tomonidan aynan ona tili rivoji uchun qilingan mehnatlar samarasi deyish mumkin.

2 (7).png

Ta’kidlash kerakki, “Davlat tilida ish yuritish” amaliy qo‘llanmaning 2022-yilgi nashri o‘zbek-kirill yozuvidagi to‘ldirilgan, takomillashtirilgan 9-nashri asosida tayyorlangan. Ayniqsa, ushbu nashrning lotin yozuviga asoslangan o‘zbek tili alifbosiga asoslangan nashri 2023-yil barcha vazirlik va idoralarda ish yuritishda muhim o‘rin egallashi shubhasiz.

“Axborot texnologiyalari atamalarining izohli lug‘ati” alifbo tartibida joylashtirilgan 10 000 ga yaqin atamani o‘z ichiga oladi. Unda lotin yozuviga asoslangan o‘zbek alifbosidagi atamalar, ularning ta’riflari hamda shu atamalarning ingliz va rus tilidagi muqobillari keltirilgan.

Mazkur lug‘atdan axborot texnologiyalari va kommunikasiyalari sohasida faoliyat yurituvchi mutaxassislar, ilmiy xodimlar, tegishli ixtisoslikdagi talabalar va aspirantlar, shuningdek, AKT ga qiziquvchilarning keng ommasi foydalanishlari mumkin.

Kitob taqdimotida shuningdek, o’zbek tilining dolzarb muammolari haqida ham so’z bordi.

Bank tizimidagi xat-hujjatlarni to'liq lotin yozuviga o'tkazish bo'yicha olib borilayotgan islohotlar davomida bunday tadbir va kitoblarning o'rni katta.

Bank Axborot xizmati