Bayram arafasida bank xodimlarining kayfiyatini koʻtarish orqali ish samaradorligini oshirish maqsadida Bank tomonidan Yangi yil arafasida qiziqarli tadbir tashkil etildi. E’tiborlisi, mazkur tadbir bu safar bank xodimlarining farzandlari uchun ataldi.
Yangi yil — nafaqat bolalarning balki biz kattalarning ham sevimli va orziqib kutadigan bayramimiz hisoblanadi.
Bu bayram yilning yakuni bo‘lgani uchun ham o‘tgan yil davomidagi hayotimiz sarhisob qilinadigan palla. Nimalarga erishdik, nimalarni yo‘qotdik.
Qanday o‘tkazganimizdan qat’iy nazar baribir, Yangi yil barchamizga quvonch ulashadi.
Mikrokreditbankda Yangi yil bayrami bu yil o‘zgacha kayfiyatda boshlanmoqda. Bayramona bezatilgan Bosh ofis binosi barcha xodimlar qalbiga iliqlik va xush kayfiyat ulashmoqda. Hamkasblarimizning chehrasidagi quvonchni, ko‘zlaridagi samimiyatni ilg‘ab olish qiyin emas shu kunlarda. Go‘yoki o‘tayotgan yildan mamnundek ularning barchasi.
Ayniqsa, kuni kecha tashkil etilgan bayram dasturidan so‘ng yanada xushkayfiyat egalladi qalblarini. Sababi bank Bosh ofisida xodimlarning farzandlari uchun esda qolarli Yangi yil tadbiri tashkil etildi va 150 nafar jajji bankirlar bir joyga “jam bo‘ldi”.
Tadbir doirasida bolajonlar uchun sehrli Yangi yil muhiti yaratilib, ular uchun turli quvnoq o‘yinlar, ijodiy dasturlar va sovg‘alar tayyorlandi. Bayramda Qorbobo va Qorqizning qiziqarli chiqishlari bolalarga cheksiz zavq bag‘ishladi. Bu bayram nafaqat bolajonlarga, balki bankimizda faoliyat yuritayotgan ota-onalarga ham cheksiz quvonch bag‘ishladi va ularni ham bolalikning sehrli olamiga yetakladi.
Shuningdek, bolajonlar uchun Mikrokreditbank binosi bo‘ylab qiziqarli sayohat uyushtirildi. Ular ota-onalarining qanday ish faoliyati olib borishlariga guvoh bo‘lishdi. O‘zlarini bo‘lajak bankirlar sifatida kashf etishdi. Sayohat davomida bolalarga moliyaviy savodxonlikka oid qiziqarli ma’lumotlar taqdim etilib, savol-javoblar ham o‘tkazildi.
Tadbir yakunida kichkintoylar uchun bayram dasturxoni tashkil etilib, esdalik sovg‘alari topshirildi. Bolajonlarimiz yuzidagi samimiy quvonch esa Yangi yil sovg‘asi qanchalik qadrli bo‘lganini yana bir bor tasdiqladi. Ota-onalar esa bank Rahbariyatining bunday e’tibori va xodimlar uchun yaratilgan sharoitlardan xursand bo‘lishdi.
MKBANK doimo o‘z jamoasi va ularning oila a’zolarini qo‘llab-quvvatlashga tayyor.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
