Bugungi kunda masofaviy bank xizmatlarini keng joriy qilish, ular yordamida mijozlarga qulaylik yaratish uchun tizimli ishlar olib borilmoqda. Ana shunday xizmat turlaridan biri – “Aloqa markazlari”ni tashkil etilishi – tizimda bo’ladigan muammolarni hal qilish hamda bank xizmatlari to‘g‘risida kerakli maslahat va tavsiyalarni olish imkonini beradi. Ushbu tizim orqali mijoz to‘g‘risidagi ma’lumotlar yig‘ilib, ehtiyojlarni oldindan aniqlash, shuningdek, avtomatlashtirilgan marketing va prognozlashtirilgan sotuvlarni amalga oshirib, mijozlarga yangi xizmat turlari taklif etish mumkin.
27- iyun kuni “Mikrokreditbank”da tashkil etilgan “Aloqa markazi”ga bir guruh respublika va mahalliy ommaviy axborot vositalari vakillari ishtirokida press-tur tashkil etildi. Press-tur davomida ishtirokchilar bankda aloqa markazining faoliyati, ishlash tartibi, operatorlarning barcha turdagi xizmatlarni masofaviy shaklda olib borishlari bilan bevosita yaqindan tanishish imkoniga ega boʼlishdi.
Mikrokreditbankda 2020-yil noyabr oyida bank mijozlariga qoʼshimcha qulaylik yaratish maqsadida Аloqa markazi tashkil etilgan. 2021-2022-yillar davomida Аloqa markazi faoliyatida jadal trasformatsiya jarayonlari amalga oshirildi. Masalan, markazlashgan dasturiy taʼminot “Flora/Oktell” chet ellik mutaxassislar bilan xamkorlikda joriy etildi va markaz faoliyatiga doir imkoniyatlar, funksiyalar, mijozlar uchun mavjud boʼlgan qulayliklar koʼlami kengaytirildi.
Markazda ayni vaqtda 14 nafar xodim faoliyat yuritmoqda. Fuqarolarning asosiy va ko‘p beradigan savollari bu — kredit yo‘nalishlari (jismoniy shaxs va imtiyozli kreditlar), mobil ilovadan foydalanish, bank kartalari va boshqalar.
Statistik maʼlumotlarga toʼxtalib oʼtadigan boʼlsak, 2022-yil mobaynida Аloqa markazi bank mijozlaridan kelib tushgan 63 629 ta murojaatni muvaffaqiyatli qayta ishlagan boʼlsa, 2023-yil yanvar-iyun oylarida ushbu koʼrsatgich 75 674 ta murojaatni tashkil etgan.
2023-yil may oyidan boshlab, Аloqa markazi tomonidan mijozlarga qoʼshimcha qulaylik yaratish maqsadida murojaatlarni tizimli qayta ishlash boʼyicha yangi “Jira” dasturi joriy etildi. Ushbu dastur, bank mijozlaridan kelib tushayotgan barcha murojaatlarni tizimli qayta ishlanishiga, saqlanishiga va Аloqa markazi xodimlari tomonidan oʼz vaqtida yuqori darajada xizmat koʼrsatilishiga imkoniyat yaratib berdi.
Har kuni 1285 qisqa raqamlari orqali mamlakat bo‘ylab aholidan murojaatlar qabul qilinadi va murojaatlarning soni kuniga o‘rtacha 700 dan ziyodni tashkil etadi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
