MKBАNKning Toshkent shahar Boshqarmasi ochildi

Joriy yilning 4-sentabr kuni Mustaqilligimizning 32 yilligi munosabati bilan “Mikrokreditbank” aksiyadorlik tijorat bankining Toshkent shahar Boshqarmasi yangidan ish boshladi. 

“Mikrokreditbank” АTB - kichik biznes, xususiy tadbirkorlikni rivojlantirish, yakka tartibdagi mehnat faoliyatini, kam taʼminlanganlarni qoʼllab-quvvatlash, hunarmandchilik va kasanachilikni faollashtirish yoʼli bilan yangi ish oʼrinlarini yaratish uchun moliyaviy mablagʼlar ajratib kelmoqda. 

Toshkent shahrida yangi va zamonaviy Boshqarma ochilishi esa, hududda tadbirkorlikni yanada rivojlantirish, aholiga qulay bank xizmatlarini taklif qilish imkoniyatini beradi.

Poytaxt markazida joylashgan Toshkent shahar Boshqarmasi tarkibida 2 ta Bank xizmatlari ofisi, 3 ta Bank xizmatlari markazi hamda 33 ta bankomat orqali aholiga barcha bank xizmatlari taqdim etiladi. 

Boshqarmada tadbirkorlar uchun alohida imtiyozlar berilgan bo'lib, unga ko'ra keyingi 6 oy davomida,

•  hisobvaraqdan mablag‘ o‘tkazish 6 oy davomida bepul amalga oshiriladi;

•  to‘lov terminallaridan (Humo, Uzcard) bepul foydalaniladi;

•  korporativ bank kartalarini bepul beriladi.

Manzil: Toshkent shahar Yunusobod tumani Bogʼishamol koʼchasi 110-uy

Maʼlumot uchun, “Mikrokreditbank” АTBning hududlardan jami 59 ta filiali, 12 ta Bank xizmatlari ofisi, 75 ta Bank xizmatlari markazi, 300 dan ortiq valьyuta ayirboshlash va xalqaro pul oʼtkazmalari shoxobchalari, 164 ta maxsus kassa, 260 ta 24/7 rejimida ishlovchi boʼlimlari orqali aholiga barcha turdagi bank xizmatlari koʼrsatib kelinmoqda. Bundan tashqari bugungi kunda 310 mingga yaqin yuridik va 1 483 mingdan ortiq jismoniy shaxslarga bankimiz xizmatidan doimiy foydalanib kelishmoqda.

Bank Axborot xizmati