Joriy yil 25-oktabr kuni Telegram tarmog‘idagi “Kompor.uz” kanalida Andijon viloyati Shaxrixon tuman maktabgacha ta’lim tashkilotlari xodimlari ish haqi olishda muammolarga duch kelayotgani haqida post joylandi.  

Mazkur holat yuzasidan o‘rganishlar natijasida quyidagilar aniqlandi. 

Haqiqatdan ham, Mikrokreditbank tizimida yagona MFOga o‘tish jarayoni amalga oshirilgani sababli, Andijon viloyati Shaxrixon tumanidagi maktabgacha ta’lim tashkilotlariga 2023-yilning avgust-sentabr oylarida ishga qabul qilingan ayrim xodimlarning ish haqi to‘lovlarini amalga oshirishda muammolar yuzaga kelgan. 

Bu to‘g‘risida bankning rasmiy sayti hamda ijtimoiy tarmoqdagi sahifalari orqali 16-sentabr kuni mijozlar ogohlantirilgan. 

Ushbu holat ayni paytda bartaraf etilgan bo‘lib, tumandagi maktabgacha ta’lim tashkilotlarining avgust va sentabr oylarida ishga qabul qilingan xodimlariga ish haqilari to‘lab berilgan.