“Mikrokreditbank” aksiyadorlik-tijorat banki bugungi kunda oʻzining xorijiy kredit liniyalari orqali jalb qilingan mablagʻlari bilan iqtisodiyotning real sektori korxonalarini modernizatsiya qilish, texnik va texnologik qayta jihozlash hamda ishlab chiqarishni diversifikatsiyalashga doir investitsiya loyihalarini moliyaviy qoʻllab-quvvatlashga qaratilgan jarayonlarda faol ishtirok etib kelmoqda.
Mazkur yoʻnalishdagi korxonalar faoliyatini keng yoritish maqsadida bank tomonidan moliyalashtirilgan Toshkent viloyatidagi “Inter Agro Broiler Breeders” masʼuliyati cheklangan jamiyatiga bir guruh OAV vakillari ishtirokida press-tur tashkil etildi. Press-tur davomida ishtirokchilar korxonada parrandachilik mahsulotlari ishlab chiqarish jarayoni bilan bevosita yaqindan tanishish imkoniga ega boʻlishdi.
Toshkent viloyati Nurafshon BXO mijozi “Inter Agro Broiler Breeders” korxonasiga 2022-yilda parrandachilik faoliyatini rivojlantirish maqsadida aylanma mablagʻlarini toʻldirish uchun ona tovuq joʻjalari hamda parranda ozuqa yemi sotib olish uchun 20 mlrd. soʻm miqdorida kredit ajratilgan.
Tadbirkor “Mikrokreditbank”dan imtiyozli kredit olgani uchun 3 yildan beri qiynalmay, shu darajaga yetganini bildirdi.
– Davlatimiz rahbarining Vengriya va AQSHga rasmiy tashriflaridagi erishilgan kelishuvlar ishimizni ancha osonlashtirdi. Shu tariqa hozir yana yangi loyihalar ustida ishlab, “Mikrokreditbank”dan yana bemalol kredit olishimiz mumkin, – dedi korxona rahbari Rustam Saidov.
Loyihaning umumiy qiymati 30 mlrd. soʻmni tashkil etadi. Bank tomonidan koʻrsatilgan moliyaviy yordam natijasida 2023-yilda 58,2 mlrd. soʻmlik pul aylanmalari amalga oshirilgan. Eng muhimi, ushbu korxonada hozir 200 dan ziyod yangi ishchi oʻrni yaratilgan.
50 gektarlik yerda joylashgan mazkur korxona hududi 3 ta zonaga boʻlinadi. Har uchala zonada jami 42 ta sex ishlaydi. Bir oyda 1,7-1,8 mln. dona inkubatsion tuxum yetishtiriladi. Shu tariqa mazkur yoʻnalishda Oʻzbekistonni 30 foiz mahsulot bilan taʼminlaydi.
Mahsulotlarning 50 foizi mahalliy bozorga, qolgan yarmi esa 7 ta davlat – Ozarbayjon, Rossiya, Qozogʻiston, Afgʻoniston, Tojikiston, Saudiya Arabistoni va Qirgʻizistonga eksport qilinadi.
Maʼlumot uchun, “Mikrokreditbank” ATB tomonidan joriy yil boshidan beri tadbirkorlik subyektlarining investitsion loyihalarini moliyalashtirish uchun 95 ta loyihaga jami 384,4 mlrd. soʻm ekvivalentida mablagʻlar ajratilgan.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
