Yurtboshimizning aholi farovonligi va inson qadrini ulug‘lash maqsadida amalga oshirilayotgan islohotlari hamda O‘zbekiston Respublikasi Prezidentining 2024-yil 23-sentabrdagi PQ-330-sonli “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi qarori iqtisodiyotni yuksaltirishga qaratilganligi bilan ahamiyatlidir.
Mazkur qarorda belgilab berilgan vazifalar ijrosini ta’minlash va “Kambag‘allikdan farovonlik sari” dasturiga asosan “Mikrokreditbank” ATB tomonidan ham tadbirkorlikni qo‘llab-quvvatlash orqali aholi bandligini ta’minlash va shu orqali daromadini oshirish bo‘yicha joylarda mas’ullar ishtirokida turli uchrashuvlar o‘tkazilmoqda.
Navbatdagi uchrashuvlar Navoiy viloyatining Navoiy va Gazg‘on shahrida, Karmana va Xatirchi tumanlarida bo‘lib o‘tdi. Unda “Mikrokreditbank” ATB mas’ul xodimlari, tuman hokimligi, mahalla yettiligi, tadbirkorlar va aholi vakillari ishtirok etishdi.
Unda aholi va mahalliy tadbirkorlarning muammolari oʻrganilib, manzilli yechimlar berildi. Jumladan, 9 ta murojaatning 3 tasiga 300 mln kredit ajratilib, ijobiy hal qilindi.
Ochiq muloqot shaklida o‘tkazilgan uchrashuvda tuman va shaharlardagi tadbirkorlar faoliyatini rivojlantirish, ko‘proq ish o‘rinlari yaratish, yangi loyihalar uchun kreditlar ajratilishi, imtiyozli kreditlardan samarali foydalanish borasida ma’lumotlar berildi.
Shuningdek, G‘azg‘on shahar Marmarobod MFY binosida bo‘lib o‘tgan uchrashuvda ham 2 ta murojaat tinglanib, tadbirkorga 100 mln soʻm kredit ajratildi.
MKBANK mutasaddilarining Navoiy viloyatidagi aholi va tadbirkorlar bilan uchrashuvlari davom etmoqda.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
