Joriy yilning 11-fevral kuni “Mikrokreditbank” ATB Navoiy viloyat hududiy boshqarmasida o‘quv seminari tashkil etildi.
Unda Bosh bankning masʼul xodimi, Navoiy viloyat Ichki Ishlar boshqarmasi Korrupsiyaga qarshi kurashish bo‘limi xodimi podpolkovnik A.O‘sarov, Navoiy shahar prokuraturasi xodimi, leytenant M.Xidirov va BXO, BXM xodimlari hamda mahalla bankirlari ishtirok etishdi.
Bilamizki, bank xodimlari odamlar bilan gaplashib, aholini kredit olish, qaytarish, biznes ochishga o‘rgatadi va ularning g‘oyalarini loyihalarga aylantiradi. Demak, bu jarayonda ulardan halollik va korrupsion holatlarga murorasizlik talab etiladi.
Seminarda bank xodimlari va mahalla bankirlariga bo‘lgan ishonch ortayotganligi, buni oqlash uchun korrupsion holatlardan uzoq bo‘lishi, halollik vaksinasi bilan emlangan xodim bank va jamiyat uchun mas’uliyat bilan xizmat qila olishi ta’kidlandi.
Shuningdek, muloqotda bankda qabul qilingan “Korrupsiyaga qarshi kurashish siyosati”, “Odob-axloq kodeksi”, “Manfaatlar to‘qnashuvining oldini olish siyosati” kabi ichki hujjatlarga rioya qilish, ish jarayonida korrupsiya va manfaatlar to'qnashuvi holatlariga yo'l qo'yilmaslik yuzasidan ogohlantirishlar berildi.
Tizimda korrupsiya holatlari va noqonuniy harakatlar haqida xabar berish uchun aloqa kanallarimiz mavjudligi yana bir eslatib o‘tildi.
Tadbir yakunida korrupsiyaga qarshi kurashda barchamiz birlashsak, yangi O‘zbekistonda korrupsiyasiz jamiyat paydo bo‘lishi, bu yoʻlda MKBANK ochiqlik va halollikni ta’minlash, jamiyat ishonchi va davlat siyosatini mustahkamlashda doim faol ishtirok etishi alohida ta’kidlandi.
O‘quv seminarining yakunida ishtirokchilar o‘zlarini qiziqtirgan savollarga javob olishdi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
