Nukus shahrida mahalla bankirlari uchun davra suhbati tashkil etildi.

Unda "Mikrokreditbank" ATB Boshqaruv raisi o'rinbosari Shahlo Ibragimova, Qoraqalpogʻiston Respublikasi hududiy boshqarmasi boshligʻi oʻrinbosari Azizbek Nurabullayev, Markaziy Bank Qoraqalpogʻiston Respublikasi Bosh boshqarmasi boʻlim boshligʻi Abbaz Ernazarov, Mahallabay ishlash va hududiy loyihalarni boshqarish departamenti direktori oʻrinbosari Abdugʻani Achildiyev, 15 nafar mahalla bankiri va 51 nafar yordamchi agent ishtirok etdi. 





Ushbu tadbirda mutaxassislar tomonidan mahalla bankirlari va agentlariga moliyaviy, huquqiy bilim va koʻnikmalar haqida tushunchalar berildi.  

Aholi ayniqsa xotin-qizlarni tadbirkorlikka jalb qilish, ayollar hunarmandchiligini qoʻllab-quvvatlash, tomorqa yerlaridan samarali foydalanish orqali mahallalarni ishsizlikdan xoli hududga aylantirish boʻyicha tavsiya va maslahatlar berildi. 





Eʼtiborli jihati shundaki, 50 nafar yordamchi-agentlarning barchasi xotin-qizlardan iborat boʻlib, bu orqali xotin-qizlarga moliyaviy xizmatlar koʻrsatishdagi faollik yanada oshadi. 





Davra suhbati davomida Mahalla bankirlari va agentlarining vazifalari bilan birga majburiyatlari boʻyicha ham huquqiy tushuntirishlar berildi.