Shu kunlarda besh yilga — 2026−2030 yillarga mo‘ljallangan “O‘zbekiston-2030” strategiyasining qayta ko‘rib chiqilgan loyihasi jamoatchilik muhokamasidan o‘tkazilmoqda.
Xabaringiz bor, O‘zbekiston Respublikasi Prezidenti Shavkat Mirziyoyev 2025-yil 26-dekabr kuni o‘z Murojaatnomasida “O‘zbekiston – 2030” strategiyasini qayta ko‘rib chiqish vazifasini ta’kidlagan edi. Ayni damda “O‘zbekiston – 2030” strategiyasining takomillashtirilgan loyihasi ishlab chiqildi va bu qayta muhokamaga qo‘yildi.
2023-yilda qabul qilingan bu dasturiy hujjat bugun barcha soha va tarmoqlarda ulkan natijalarga zamin bo‘lib kelmoqda.
O‘zbekiston Respublikasi Prezidenti topshiriqlariga muvofiq, yurtimizning kelgusi besh yillik taraqqiyotiga daxldor bo‘lgan ushbu hujjat keng jamoatchilik muhokamasidan o‘tkazilib, aholimizning fikr-mulohazalari asosida takomillashtiriladi.
Yangi Oʻzbekiston taraqqiyot strategiyasini amalga oshirish jarayonida orttirilgan tajriba va jamoatchilik muhokamasi natijalari asosida ishlab chiqilgan “Oʻzbekiston — 2030” strategiyasi oʻzida quyidagi asosiy gʻoyalarni aks ettirgan:
• barqaror iqtisodiy oʻsish orqali daromadi oʻrtachadan yuqori boʻlgan davlatlar qatoridan oʻrin olish;
• aholi talablariga va xalqaro standartlarga toʻliq javob beradigan taʼlim, tibbiyot va ijtimoiy himoya tizimini tashkil qilish;
• aholi uchun qulay ekologik sharoitlarni yaratish;
• xalq xizmatidagi adolatli va zamonaviy davlatni barpo etish;
• mamlakatning suvereniteti va xavfsizligini kafolatli taʼminlash.
“Oʻzbekiston – 2030” strategiyasi quyidagi 5 ta ustuvor yoʻnalishdan iborat:
• har bir insonga oʻz salohiyatini roʻyobga chiqarish uchun munosib sharoitlar yaratish;
• barqaror iqtisodiy oʻsish orqali aholi farovonligini taʼminlash;
• suv resurslarini tejash va atrof-muhitni muhofaza qilish;
• qonun ustuvorligini taʼminlash, xalq xizmatidagi davlat boshqaruvini tashkil etish;
• “xavfsiz va tinchliksevar davlat” tamoyiliga asoslangan siyosatni izchil davom ettirish.
Prezident farmoni bilan “Oʻzbekiston — 2030” strategiyasini amalga oshirish va uning maqsadli koʻrsatkichlariga erishish barcha davlat organlari va tashkilotlari faoliyatida eng ustuvor vazifa etib belgilangan.
“O‘zbekiston – 2030” — bu shunchaki hujjat emas, bu ertangi hayotimiz strategiyasi.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
