Samarqand tumanida tashkil etilgan mazkur uchrashuvda “Mikrokreditbank” ATB Boshqaruv raisi Orif Butayev, Samarqand tumani hokimi Sirojiddin Usmonov, shahar va tumanlardagi 40 dan ortiq parrandachilik xoʻjaliklari rahbarlari hamda tadbirkorlar ishtirok etdi.
Ochiq muloqotda yurtimizda parrandachilik sohasiga berilayotgan imtiyozlar, bank tomonidan tadbirkorlarga taklif qilinayotgan kredit va xizmatlar xususida maʼlumotlar berildi. Shuningdek, ichki bozorni sifatli va arzon parrandachilik mahsulotlari bilan uzluksiz taʼminlash, ishlab chiqarish quvvatlarini kengaytirish, sohada faoliyat yurituvchi xoʻjaliklarni davlat tomonidan qoʻllab-quvvatlash samaradorligini oshirish hamda aholi bandligini taʼminlash masalalari muhokama qilindi.
Tadbirkorlar tomonidan bildirilgan murojaatlar yuzasidan ularga huquqiy tushuntirish va tavsiyalar berildi. Shuningdek, muddat talab etadigan murojaatlar tegishli masʼullar zimmasiga yuklatilib, ularning ijrosi qatʼiy nazoratga olindi.
Bank Axborot xizmati
Yana ko‘ring
MKBANK va FOTON strategik hamkorlik va boʻlib toʻlash shartlari!
“Zolotaya Korona” yana faol!
