Profilaktika ishlari sababli bankomat ishlamagan

Joriy yilning 9-avgust kuni “Prezident Komandasi” telegram kanalida Fargʻona shahridagi bankomat nosoz holda ekanligi tanqid qilingan.

Mazkur murojaat masʻullar tomonidan oʻrganildi. 

Maʻlumki, 2024-yil 7-avgust kuni “Mikrokreditbank” ATBning rasmiy sayti - mkbank.uz va ijtimoiy tarmoqlarda bankda profilaktika ishlari olib borilishi munosabati bilan “8-avgustdan 12-avgustgacha bankning viloyat hududiy boshqarmalari, Amaliyot boʻlimlari, tuman BXO hamda BXMlariga tegishli barcha bankomatlar orqali jismoniy shaxslarga xizmat ko‘rsatish vaqtincha toʻxtatilishi” haqida e’lon berilgan.

Texnik ishlar sababli Fargʻona shahridagi bankomatlarga profilaktika ishlari olib borilishi haqidagi e’lon yopishtirilishi biroz cho‘zilgan va natijada yuqoridagi murojaatga sabab bo‘lgan.

Holat shu kunning o‘zida bartaraf etilgan va profilaktika ishlari olib borilishi haqidagi e’lon MKBANK bankomatlariga yopishtirib chiqilgan.

Bank Axborot xizmati