Texnik xatolik zudlik bilan bartaraf etildi

Bugun “Kompramatuzb” telegram kanalida “Mikrokreditbank” АTB faoliyatiga oid eʼtirozli xabar joylandi.

Unda fuqaro “Mikrokreditbank”ning Buxoro filiali bilan gaplashmoqchi bo‘lib, saytda ko‘rsatilgan raqamiga telefon qilgani, biroq unga javob bergan shaxs bu raqam bankniki emasligini aytgani qayd etilgan. 

Ushbu holat o‘rganilganda, haqiqatan ham, rasmiy saytdagi bankning Buxoro viloyati filialiga tegishli deb ko‘rsatilgan raqam noto‘g‘ri ekanligi maʼlum bo‘ldi. Buning sababini bankimiz rasmiy sayti yangidan ishlab chiqilib, ayni damda maʼlumotlarning to‘liq yangilanishi bilan bog‘liq texnik ishlar olib borilayotgani bilan izohlaymiz. Yaʼni ayni damda bank rasmiy sayti test rejimida ishlamoqda. 

Mazkur texnik xatolik zudlik bilan bartaraf etilganini maʼlum qilamiz va bizni kuzatib, bankimizdagi kamchiliklarni bartaraf etishdagi yordamlari uchun minnatdorlik bildiramiz. 

Bank Аxborot xizmati