Bugun jamiyatda adolat va qonun ustuvorligini oliy darajaga koʻtarish, zamonaviy davlat boshqaruvini joriy etishda davlat xizmatchilarida korrupsiyaviy holatlarning barcha koʻrinishlariga qatʻiy kurashish ruhiyatini shakllantirish muhim siyosatga aylandi. Bu esa ham bir shaxs qalbida hallolik vaksinasi uygʻonishiga xizmat qilmoqda.
“Mikrokreditbank” ATB Samarqand viloyat hududiy boshqarmasida korrupsiyaga qarshi kurashish, manfaatlar toʻqnashuvi va odob-axloq qoidalari mavzusiga bagʻishlangan navbatdagi oʻquv seminari boʻlib oʻtdi.
Mazkur oʻquv mashgʻulotida “Mikrokreditbank” ATB Rahbariyati, Samarqand viloyati IIB Axborot texnologiyalari sohasidagi jinoyatlarga qarshi kurash boshqarmasi muhim topshiriqlar boʻyicha inspektori, kapitan J.SH.Nuraliyev, Samarqand shahar prokurori yordamchisi 3-darajali yurist X.Q.Gulmurodov va bank xodimlari ishtirok etdi.
Seminarda korrupsiyaning salbiy oqibatlari, qonunchilikda belgilangan javobgarlik choralari, kiberjinoyatchilik va kiberkorrupsiyaning xavfli jihatlari hamda ushbu illatlarga qarshi murosasiz kurash olib borish zarurligi taʻkidlandi.
Korrupsiyaga qarshi kurashish sohasida ijobiy yutuqlarga erishgan rivojlangan davlatlarning bu boradagi tajribasi shuni koʻrsatmoqdaki, korrupsiya koʻrinishlarining oqibati bilan kurashish emas, balki uni keltirib chiqarayotgan sabablarini bartaraf etish oʻz samarasini beradi.
Qayd etilganidek, bugungi kunda davlat organlari va tashkilotlariga korrupsiyaga qarshi kurashish, davlat xizmatiga halollik standartlarini joriy etish boʻyicha qator standartlarni oʻz faoliyatiga joriy etish yuzasidan vazifalar belgilab berildi. Natijada koʻpgina tashkilot va idoralarda korrupsiyaga qarshi ichki nazorat (kompleans nazorati) tizimi faoliyati yoʻlga qoʻyildi.
Muloqot mobaynida jamiyatda korrupsiyaga qarshi murosasizlikni kuchaytirish, ushbu illatga qarshi kurashishda ijtimoiy faollikni oshirish yuzasidan fikr-mulohaza va takliflar bildirildi.
Seminar yakunida bank xodimlari oʻzlarini qiziqtirgan savollarga javob oldilar.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
