Ayrim ijtimoiy tarmoq faollari tomonidan Mikrokreditbank ATBning soliqdan 387 mlrd.soʻm qarzi boʻlsa-da, “Realsoft” masʼuliyati cheklangan jamiyati bilan 395 mln.soʻmlik shartnoma tuzganligi xususida tanqidiy materiallar eʼlon qilindi.
Avvalo, Mikrokreditbank ATBning mahalliy va respublikamiz byudjetiga toʻlanadigan soliq va boshqa majburiy toʻlovlaridan qarzdorligi yoʻqligini maʼlum qilamiz. Ijtimoiy tarmoq faollaridan esa notoʻgʻri va haqiqatga mos kelmaydigan xabarlarni tarqatmasliklarini soʻrab qolamiz.
Shuningdek, haqiqatan ham, “Realsoft” MCHJ bilan bank oʻrtasida 395 mln.soʻmlik toʻgʻridan-toʻgʻri shartnoma imzolangan boʻlib, unga koʻra, Collective.mkb.uz axborot tizimiga yangi (jamoani samarali boshqarish) moduli qoʻshilishi belgilangan.
Qoʻshimcha maʼlumot sifatida aytish lozimki, Mikrokreditbankda elektron hujjat almashish tizimini joriy qilish uchun 2021-yilda maxsus portal orqali “Realsoft” MCHJning Collective.mkb.uz axborot almashish portalini yaratib berish loyihasi xarid qilingan.
Oʻtgan davrda bank tizimidagi barcha darajadagi hujjatlar toʻliq ushbu portal yordamida amalga oshirilishi yoʻlga qoʻyildi. Oʻz navbatida, bu xodimlar vaqtini tejab, ish samaradorligi ortishiga olib kelmoqda. Bundan tashqari, har yili ish qogʻoziga sarflanadigan xarajatlarning oldi olindi.
Yaqinda esa ushbu loyihaning davomi sifatida Collective.mkb.uz axborot tizimiga yangi (jamoani samarali boshqarish) moduli qoʻshish xizmati uchun loyiha asoschisi boʻlgan “Realsoft” MCHJ bilan yuqoridagi shartnoma imzolandi.
Xulosa shuki, bank va “Realsoft” MCHJ oʻrtasida imzolangan shartnoma amaldagi qonun talablari asosida bank manfaatidan kelib chiqib tuzilgan.
Bank Axborot xizmati
Yana ko‘ring
Brifing: 2025- yilda amalga oshirilgan ishlar va 2026- yilgi rejalar xususida
MKBANkning Xorazm viloyat hududiy boshqarmasi Markaziy bank tomonidan taqdirlandi
Ushbu yutuq va e’tirof jamoamizning masʼuliyatli hamda samarali mehnatining yaqqol ifodasidir.
