“Telegram” ijtimoiy tarmog‘idagi “Vodiy1.uz” kanalida “Quyosh paneli o‘rnatish g‘avg‘osi” sarlavhali maqola chop etildi.
Yuqoridagi holat oʻrganilganda, “Omad charxpalagi” X/K rahbari M.Ataqulova Quyosh panellari o‘rnatish uchun 120 000 000 (bir yuz yigirma million) so‘m kredit mablag‘i so‘rab, 6-noyabr kuni murojaat qilgan va shundan keyin mijozga kredit mablag‘i olishda tavsiya qilinadigan birlamchi hujjatlar ro‘yxati taqdim qilingan. Mijoz hujjatlarni topshirgandan so‘ng, O‘zbekiston Respublikasi Vazirlar Mahkamasi huzuridagi “Tadbirkorlik faoliyatini rivojlantirishni qo‘llab-quvvatlash davlat jamg‘armasi”dan 4,8 foizli kompensatsiya olish istagi borligini bildirgan. Bank xodimidan bu bo‘yicha kerakli tushunchalarni olgan M.Ataqulova qo‘shimcha hujjatlarni olib kelishini ma’lum qilgan.
Ammo 18-noyabr kuni M.Ataqulova kompensatsiya olishni rad qilib, kredit mablag‘ini 21 foizdan olishga rozi ekanligini bildirgan va 20-noyabr kuni birlamchi hujjatlar to‘plamini qaytadan rasmiylashtirgan.
Natijada ta’minotchi tomonidan oldi-sotdi shartnomasi bankka taqdim qilinmaganligi sababli, kredit mablag‘i ajratilishida muammo bo‘lgan.
Ushbu holat mijozga telefon orqali bog‘lanib tushuntirilganda, u bankdan e’tirozi yo‘qligini bildirdi.
Shu o‘rinda mijoz hamda ta’minotchi o‘rtasida tuzilgan oldi-sotdi shartnomasi bankka taqdim etilgach, bir bank ish kunida kredit ajratilishini ma’lum qilamiz.
Bank Axborot xizmati
Yana ko‘ring
Bank rahbariyati Buxoro viloyatida aholi hamda tadbirkorlar bilan uchrashuv oʻtkazdi
Mikrokreditbank rahbariyati ishtirokidagi bu kabi tadbirlar boshqa hududlarda ham davom ettmoqda
Yil Aksiyasi: Sovg’alar sizni kutmoqda!
