Andijon viloyati Paxtaobod tumanida yashovchi fuqaro D.O‘ktamova ijtimoiy tarmoqdagi “BASTION” kanaliga yo‘llagan murojaatida xotin-qizlar uchun ajratiladigan foizsiz ta’lim krediti olganligini, lekin har oyda kredit foizi uchun shaxsiy plastik kartasidan (83-85) ming so‘m miqdorda foiz qarzdorlik ushlab qolinayotganligi bo‘yicha e’tiroz bildirgan.
Murojaati yuzasidan fuqaro bilan “Mikrokreditbank” ATB Andijon viloyat mintaqaviy filiali xodimi M.Ergashev ishtirokida suhbat o‘tkazildi.
Unda mijoz va Paxtaobod BXM o‘rtasida 2022-yil 24-noyabrda №-674-sonli kredit shartnomasi tuzilgan bo‘lib, shartnomada fuqaroga 138 oy muddatga yillik 14 foiz ustama to‘lash sharti bilan 7 472 630 (yetti million to‘rt yuz yetmish ikki ming olti yuz o‘ttiz) so‘m miqdorda kredit ajratilgan bo‘lib, kredit shartnomasi tomonlarning roziligi bilan tuzilganligi hamda ushbu shartlar asosida imtiyozli kredit ajratilganligi fuqaroga tushuntirildi.
Shuningdek, mijozga keyingi bosqich shartnoma pullarini “Mikrokreditbank” ATB tomonidan xotin-qizlar uchun ajratilayotgan foizsiz (foizi davlat tomonidan qoplanadi) ta’lim kreditlaridan foydalanishi mumkinligi haqida ma’lumot berildi.
Bank Axborot xizmati
Yana ko‘ring
Eskrou xizmatlarini dam olish kunlari ham amalga oshira olasiz
Rahbar va yoshlar uchrashuvi: tibbiyot muassasasida
