O‘zbekiston Respublikasi Prezidentining 2025-yil 14-martdagi PQ-103-sonli “Oila va xotin-qizlarni qo‘llab-quvvatlash tizimini yanada takomillashtirish chora-tadbirlari to‘g‘risida”gi qaroriga muvofiq, Savdo-sanoat palatasi huzurida Tadbirkor ayollar kengashi tashkil etilgan bo‘lib, bugungi kunda Kengash a’zolari va ekspertlari tomonidan joylarda uchrashuvlar hamda sayyor qabullar muntazam o‘tkazib kelinmoqda.
Mazkur Kengashning navbatdagi sayyor qabuli Samarqand viloyatida tashkil etildi.
Sayyor qabulda “Mikrokreditbank” ATB Boshqaruv raisi o‘rinbosari Shahlo Ibragimova ham Kengash eksperti sifatida ishtirok etib, xotin-qizlar tomonidan yo‘llangan murojaatlar va ularning muammolarini o‘rgandi.
Tadbirda Kengash raisi N.Davletova, Samarqand viloyat hokimining birinchi o‘rinbosari F.Abilov, Savdo-sanoat palatasi raisi o‘rinbosari N.Shotursunova, “Hamroh” xotin-qizlar tadbirkorligini qo‘llab-quvvatlash kompaniyasi bosh direktori D.Nurmatova, Kengash a’zolari hamda boshqa mas’ul idoralar vakillari ishtirok etdi.
Sayyor qabul davomida 50 dan ortiq muammo va takliflar tinglandi, tadbirkor ayollarning faoliyatida uchrayotgan muammolar tahlil qilindi. Shuningdek, yangi biznes g‘oyalarni amalga oshirish, startap loyihalar uchun imkoniyatlar yaratish, biznesni boshlash yoki kengaytirish bo‘yicha amaliy maslahatlar berildi.
Shu kuni O‘zbekiston Savdo-sanoat palatasi hamda “Mikrokreditbank” ATB tomonidan tashkil etilgan o‘quv-seminarlarda ishtirok etgan xotin-qizlarga maxsus sertifikatlar topshirildi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
