Prezident tashabbusi bilan Savdo-sanoat palatasi huzurida tashkil etilgan Tadbirkor ayollar kengashining birinchi yigʻilishi oʻtkazildi. Yigʻilishni Prezident Administratsiyasi masʼul xodimi, Tadbirkor ayollar kengashi raisi Nozimaxon Davletova olib bordi.
Yigʻilish samimiy va doʻstona ruhda oʻtdi. Bugungi kunda xotin-qizlar tadbirkorligini rivojlantirishda erishilayotgan yutuqlar va yuzaga kelayotgan muammolar muhokama qilindi. Yigʻilishda Mikrokreditbank Boshqaruv raisi oʻrinbosari Shaxlo Ibragimova ham Kengash eksperti sifatida ishtirok etib, oʻz taklif va tashabbuslarini bildirdi.
Mazkur Kengash Oʻzbekiston Respublikasi Prezidentining 2025-yil 14-martdagi “Oila va xotin-qizlarni qoʻllab-quvvatlash tizimini yanada takomillashtirish chora-tadbirlari toʻgʻrisida”gi PQ-103-sonli qaroriga muvofiq tashkil etildi.
Kengashning asosiy vazifalari:
muntazam ravishda hududlarga chiqib, tadbirkor xotin-qizlarning muammolarini oʻrganish va ularni bartaraf etish boʻyicha takliflar ishlab chiqish;
tadbirkor ayollarning ilgʻor tajribalarini boshqa hududlarda ommalashtirishga koʻmaklashish;
avval tadbirkorlik loyihalarini amalga oshirgan xotin-qizlar bilan manzilli ishlab, ularning muammolarini hal qilish va biznes gʻoyalarini amalga oshirishga koʻmaklashish;
tizimli muammolarni hal qilish yuzasidan Hukumat va Oliy Majlis Qonunchilik palatasiga takliflar kiritib borishdan iborat.
Bank Axborot xizmati
Yana ko‘ring
MKBANK ilk bor S&P Global Ratings xalqaro kredit reytingini oldi
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
