Prezidentimiz Shavkat Mirziyoyev raisligida 2024-yil 16-dekabr kuni mahallalarda kambag‘allikni qisqartirish bo‘yicha qilingan ishlar sarhisobi va 2025-yil uchun ustuvor vazifalarga bag‘ishlangan videoselektor yig‘ilishida aholini kambag‘allikdan chiqarish, oilaviy tadbirkorlikni rivojlantirish, har bir oilaning doimiy daromad manbaini shakllantirish bo‘yicha qator vazifalar belgilab berilgan edi.
Ana shu vazifalar ijrosini ta’minlash bo‘yicha “Mikrokreditbank” ATB tomonidan ham zarur chora-tadbirlar belgilanib, aniq amaliy ishlar olib borilmoqda. Misol uchun, Toshkent viloyatida parrandachilik, xususan, o‘rdakchilikni rivojlantirish, dala chetlaridagi zovurlarda o‘rdak boqishni yo‘lga qo‘yish masalasiga alohida e’tibor qaratilmoqda.
Albatta, har bir ishning o‘ziga yarasha sir-asrori, qiyinchilik va mashaqqatlari bo‘ladi. O‘rdak boqish ham ana shunday mashaqqatli yumushlardan desak, adashmaymiz.
Joriy yilda “Mikrokreditbank” ATB tomonidan viloyatning 15 ta tumanida 144 ta uzunligi 144 760 metr kollektor-drenaj hamda boshqa melioratsiya obyektlari atroflarida “Pekin” zotli 36 ming bosh oʻrdak boqish yo‘lga qoʻyish maqsad qilingan.
Hozirga kelib viloyatdagi 13 ta tumanda 18 875 metr uzunlikdagi loyihalar amalga oshirildi. 13 820 metr uzunlikdagi loyiha ishga tushirish jarayonida. Ishga tushirilgan hududlardagi loyihalarga jami 24 000 bosh oʻrdaklar yetkazib berildi, natijada mazkur yoʻnalishda 219 ta xonadon qamrab olindi.
Mikrokreditbank tomonidan Quyi Chirchiq tumani Doʻstobod shaharchasi Ibrat MFY hududida lider tadbirkor “Javoxir Ibrohim Ogʻabek parrandalari” MCHJ bilan birgalikda viloyatda mazkur yoʻnalishda oʻrdak joʻjalari, inkubatorlar uchun oʻrdak tuxumlari va ozuqa yem mahsulotlari yetkazib berish hamda yetishtirilgan oʻrdak goʻshti va tuxumini sotib olish markazi tashkil etildi.
Bunda, ijara asosida har bir xonadonga 100 boshdan oʻrdak boqilish yoʻlga qoʻyiladi.
Bir xonadon tomonidan 100 bosh oʻrdak boqish loyihasini boshlash uchun 45,2 mln.soʻm, ozuqa xarajatlari uchun 22 mln.soʻm, jami 67,2 mln.soʻm mablagʻ zarur boʻladi.
Yuqoridagi maqsadlar uchun 67,2 mln.soʻm (shundan tashabbuskorlarning oʻz mablagʻlari hisobidan 37,2 mln.soʻm, bank krediti 30 mln.soʻm) mablagʻlar ajratilishi belgilab olindi.
Ta’kidlash kerakki, bu loyiha orqali aholining turmush darajasini yaxshilash, qo‘shimcha daromad manbaini yaratish hamda mahalliy ish o‘rinlarini ko‘paytirish ko‘zda tutilgan.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
