Hozirgi kunda mamlakatimiz turizm salohiyatini rivojlangan davlatlar foydalanayotgan tajribalar asosida mavjud boʼlgan turistik salohiyatdan foydalanish orqali dunyoga namoyon qilish zarur hisoblanadi.
Oʼzbekiston Respublikasi Prezidentining 2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qoʼshimcha chora-tadbirlar toʼgʼrisida”gi PQ-135-sonli qarorining imzolanishi ham bu sohaga alohida eʼtibor qaratish talabini oshirdi.
Bugungi kunda zamonaviy turizm transport, ijtimoiy va xizmat koʼrsatish sohalarining yuqori darajada rivojlanishiga asoslangan boʼlib, bu oxir-oqibat uni iqtisodiyotning yuqori rentabelli sohasiga aylantiradi.
Shundan kelib chiqib, Mikrokreditbank tomonidan Oilaviy tadbirkorlikni rivojlantirish dasturi doirasida yoʼlovchilarni tashishda foydalaniladigan va haydovchidan tashqari sakkiz va undan ortiq oʼrindiqqa ega boʼlgan transport vositalarini xarid qilish uchun 300 mln.soʼmgacha, shuningdek, jismoniy shaxslarga xizmatlar koʼrsatish sohasini rivojlantirish oilaviy mehmon uylari tashkil etish uchun 33 mln.soʼmgacha miqdordagi imtiyozli kreditlar ajratilmoqda.
Kreditlar yillik 14 foizdan, 36 oy muddatgacha 6 oy imtiyozli davr bilan 33 mln.soʼmgacha ajratiladi.
Kreditlardan foydalanish istagida boʼlgan aholi va tadbirkorlik subʼektlari yagona elektron platforma (oilakredit.uz) sayti orqali murojaat qilishlari mumkin.
Yana ko‘ring
Bank kartangiz yoningizda yo‘q, lekin naqd pul kerakmi?
MKBANK va AQSH banki o‘rtasida uchrashuv bo‘lib o‘tdi
