“Mikrokreditbank” aksiyadorlik-tijorat banki Qozog‘istonning “Halyk Bank” va “Altyn Bank”laridan 18 mln. AQSH dollari miqdoridagi mablag‘larni jalb qildi.
Gap shundaki, ushbu kelishuv O‘zbekiston Respublikasi Vazirlar Mahkamasining 2023-yil 8-iyundagi tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari bo‘yicha hukumat komissiyasi yig‘ilishining 43-sonli bayoni 5-ilovasi 62-bandiga asosan amalga oshirildi.
Yuqoridagi bayon doirasida “Mikrokreditbank” ATB mutaxassislari “Halyk Bank” va “Altyn Bank” vakillari bilan muzokaralar olib borib, shartnoma bo‘yicha 18 mln. AQSH dollari miqdoridagi mablag‘larni yurtimiz iqtisodiyoti uchun jalb qilish bo‘yicha sindikatlangan kredit kelishuviga erishdi. Ta’kidlash joizki, ushbu kelishuv ikki bank tomonidan amalga oshirilgan ilk va yagona sindikatlangan kredit bo‘lib, O‘zbekistonda faqat Mikrokreditbank uchun tranzaksiyani amalga oshirdi.
E’tiborlisi, xorijdan jalb qilingan ushbu mablag‘lar Mikrokreditbank tomonidan yurtimizdagi kichik biznes va xususiy tadbirkorlikni moliyaviy qo‘llab-quvvatlashga yo‘naltiriladi.
Ma’lumot uchun, “Halyk Bank” va “Altyn Bank” – Qozogʻiston Respublikasining tizimli universal banklari bo‘lib, mamlakatdagi eng yirik moliya muassasalaridan hisoblanadi. Banklar, sugʻurta, brokerlik va lizing faoliyatini amalga oshiruvchi „Halyk“ guruhi tarkibiga kiradi.
Bank Axborot xizmati
Yana ko‘ring
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
MKBANK ilk bor S&P Global Ratings xalqaro kredit reytingini oldi
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
