Sо‘nggi yillarda mamlakatimizda xotin-qizlarning tadbirkorlik va biznes faoliyatini qо‘llab-quvvatlashga alohida e’tibor sabab, tadbirkor ayollar soni yildan yilga ortmoqda.
Respublikamizning barcha hududlarida ayollarning biznes loyihalarini moliyalashtirishda “Mikrokreditbank” ATB ham faol ishtirok etib keladi. Bu borada bank ko'magida o'z biznesini yo'lga qo'ygan ko‘plab ayollarimizni e’tirof etishimiz mumkin. Jumladan, Qoraqalpog‘istonlik tadbirkor ayollarimizning bugungi faoliyati ham alohida tahsinga loyiq.
Xususan, Amudaryo tumanida faoliyat yurituvchi YTT Gulfiya Xudayberganova uy bog‘cha ochish maqsadida bankning 157 million so‘mlik kredit mablag‘laridan foydalangan holda tuman aholisi uchun nodavlat maktabgacha ta’lim muassasasini ochdi. Ayni damda 5 nafar ayol-qizni ish bilan ta’minlab, o‘z tabdirkorligini yanada kengaytirish niyatida.
Chimboy tumanidan “Altin sandiq” MCHJ rahbari Sarvinoz Dauletniyazova ham bankdan non mahsulotlari ishlab chiqarish uchun asbob-uskunalar sotib olish maqsadida 271 million so‘m miqdorda kredit olib, o‘z tadbirkorligini yanada kengaytirdi va 4 nafar ayol-qizni ish bilan ta’minladi.
Nukus shahridagi “MIYRAS STOM” MCHJ rahbari Endira Utambetova stomatologiya xizmatlariga asbob-uskuna sotib olish uchun bankdan 200 000 000 soʻm kredit oldi va 4 nafar ayolni ishli qildi.
Bugun bu kabi ayol tadbirkorlarimizning faoliyati haqida ko‘plab misollar keltirishimiz mumkin. Chunki ular o‘z tadbirkorligi orqali jamiyatimizda munosib o‘ringa ega bo‘lish bilan birga mahallasidagi yoshlar hamda ayollarni ish bilan ta’minlamoqda, shuningdek, bankdan olingan kreditdan oqilona foydalanmoqda.
Ma’lumot uchun, joriy yilning o‘tgan 5 oyi davomida 2 ming nafardan ortiq xotin-qizning tadbirkorlik loyihalarini moliyalashtirishga 23 mlrd. so‘mdan ortiq mablag‘lar Qoraqalpog‘iston Respublikasidagi ayol tadbirkorlar faoliyatini rivojlantirishga yo‘naltirildi.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
