Oʻzbekistonda xotin-qizlarning iqtisodiy faolligini oshirish, tadbirkorlikka keng jalb etish va ularning bandligini taʼminlashga qaratilgan ishlar izchil davom etmoqda. Ayniqsa, tashabbuskor ayollarning biznes gʻoyalarini qoʻllab-quvvatlash orqali ularning iqtisodiy mustaqilligini taʼminlash muhim ahamiyat kasb etmoqda.
Mikrokreditbank tomonidan xotin-qizlarni tadbirkorlikka jalb qilish maqsadida 250 ta tavsiyaviy biznes-loyihalardan iborat maxsus toʻplam tayyorlandi. Bu toʻplamlar mahallalar va tuman (shahar)larga yetkazilib, ayollarga oʻz biznes rejalarini ishlab chiqishda amaliy yordam beradigan muhim qoʻllanma sifatida foydalanilmoqda.
Sirdaryo viloyatining turli hududlarida xotin-qizlar tadbirkorligi bilan bogʻliq muammolarni oʻrganish va yechim topish maqsadida uchrashuvlar tashkil etilmoqda. Bu uchrashuvlarda ayollarni tadbirkorlikka jalb etish, ularga zarur maslahat va koʻmak koʻrsatish borasida amaliy ishlarni tashkil etish imkoniyati yaratilyapti.
Mikrokreditbank Boshqaruv raisi oʻrinbosari Shaxlo Ibragimovaning Sirdaryo viloyatiga tashrifi doirasida Guliston shahri va Boyovut tumanidagi tadbirkor ayollar bilan uchrashuvlar oʻtkazildi. Ularning faoliyati, daromad manbalari va kelgusidagi rejalari oʻrganildi.
Xotin-qizlarni tadbirkorlikka jalb qilish uchun zamonaviy yechimlar ham joriy etilmoqda. Mikrokreditbank, Xalq banki va Biznesni rivojlantirish banki hamkorligida ishga tushirilgan loyihalar-fabrikasi.uz platformasi buning yorqin misolidir. Ushbu platformada hududlarning ixtisoslashuviga mos tavsiyaviy biznes-rejalar, kredit ajratish shartlari va boshqa zarur maʼlumotlar taqdim etiladi. Platformaning ikkinchi bosqichida ayollar tomonidan ishlab chiqilgan mahsulotlarni sotish uchun alohida boʻlim tashkil etilishi rejalashtirilgan.
2024-yilda oilaviy tadbirkorlikni rivojlantirish dasturlari doirasida viloyatda 3 806 ta aholi va tadbirkorlik subyektiga jami 55,3 milliard soʻm imtiyozli kredit ajratildi. Shuning 51 foizi, yaʼni 28,3 milliard soʻm, 2 220 nafar xotin-qizlarning tadbirkorlik faoliyatini qoʻllab-quvvatlashga yoʻnaltirildi. Natijada 2 200 nafardan ortiq ayolning bandligi taʼminlandi.
Oʻzbekiston Respublikasi Prezidentining PQ-122-sonli qaroriga muvofiq, xotin-qizlarni kasbga oʻqitish va tadbirkorlikka jalb qilish uchun 6,7 milliard soʻm imtiyozli kreditlar ajratildi. Shuningdek, “Mavrid” mobil ilovasi orqali onlayn ariza topshirish imkoniyati yaratildi.
Xotin-qizlarning iqtisodiy faolligini oshirish va tadbirkorlikka keng jalb qilish boʻyicha amalga oshirilayotgan chora-tadbirlar mamlakatda ularning jamiyatdagi oʻrnini mustahkamlashga xizmat qilmoqda. Tizimli va innovatsion yondashuv orqali tadbirkorlik salohiyatini oshirishga yoʻnaltirilgan saʼy-harakatlar ayollar hayotiga ijobiy oʻzgarishlar kiritishi shubhasiz.
Quyida Sirdaryo viloyatiga qilingan tashrif va u yerdagi ayollarning tadbirkorlik faoliyati bilan tanishishingiz mumkin.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
