Xabaringiz bor, Samarqand shahrida o'tkazilgan Osiyo infratuzilma investitsiyalari bankining (AIIB) IX yillik sessiya yig‘ilishi doirasida "Mikrokreditbank" ATB va Singapurning “Olam Global Agri [Treasury] Pte Ltd” investitsiya kompaniyasi o‘rtasida 21 mln AQSh dollariga teng savdoni moliyalashtirish kelishuvi imzolangan edi. 

Mazkur shartnoma asosida yana qo‘shimcha mablag‘ jalb qilish yuzasidan muzokaralar olib borilmoqda.

E’tiborlisi, mazkur uchrashuv sabab “Mikrokreditbank” ATB O‘zbekistonda birinchilardan bo’lib Singapurning “Olam Global Agri [Treasury] Pte Ltd” investitsiya kompaniyasi bilan kelishuv imzolagan banklardan bo‘ldi.

Qayd etish joizki, ushbu bitim xalqaro moliya va bank konsaltingi sohasida yetakchilardan biri bo‘lgan JP Forfaiting LTD London konsalting kompaniyasi ko‘magida amalga oshirildi.

Ta’kidlash kerakki, ushbu kelishuv, O‘zbekiston tadbirkorlarining kichik va o‘rta biznesini rivojlantirish va savdo aloqalarini mustahkamlashga qaratilgan bo‘lib, bu mamlakatlar o‘rtasida hamkorlik hamda iqtisodiy munosabatlarni yanada kengaytirish imkoniyatlarini ochmoqda.

Bank Axborot xizmati