Yurtimizda aholining moliyaviy savodxonligini oshirish, ularni tadbirkorlikka jalb qilib bandligini taʻminlash, aholi daromadlarini oshirishda yangicha yondashuvlarni joriy qilish maqsadida “Mikrokreditbank” ATB va Markaziy bank bilan hamkorlikda mahalla bankiri va yordamchi agentlar uchun seminar trening oʻtkazildi.
Mazkur oʻquv seminari “Mikrokreditbank” ATB Xorazm viloyat hududiy boshqarmasi hamda tuman filiallarida mahalla yordamchi agentlari uchun iqtisodiy bilim koʻnikmalarini oshirishga qaratildi.
Shuningdek, seminar davomida aholining moliyaviy savodxonligini oshirish va bank xizmatlarini faol targʻib qilish, kiberxavfsizlik masalalari, korrupsion holatlarga yoʻl qoʻymaslik, aholi bandligini taʻminlash, ular uchun barqaror daromad manbalarini shakllantirish, kichik biznes va xususiy tadbirkorlikni qoʻllab-quvvatlashga oid mavzular muhokama qilindi.
Ayniqsa, Oʻzbekiston Respublikasi Prezidentining 2025-yil 10-dekabrdagi PF-246-sonli Farmoni bilan naqdsiz toʻlovlarni ommalashtirish maqsadida 2026-yil 1-apreldan boshlab toʻlovlar faqatgina bank kartalari yoki elektron toʻlov tizimlari orqali amalga oshirilayotgani, bunda bank mobil ilovasi - MAVRID va onlayn xizmatlardan foydalangan holda xizmat koʻrsatishni jadallashtirish boʻyicha mahalla agentlari tomonidan bildirilgan takliflar seminarning yanada samarali oʻtishini ta’minladi.
Samimiy va ochiq muloqot tarzida oʻtgan mazkur oʻquv seminarlari amaliy mashgʻulotlar, qizgʻin muhokama va munozaralar asosida davom etdi. Bu esa mahalla agentlarining bilim koʻnikmalarini mustahkamlashga xizmat qildi.
Bu kabi oʻquv seminarlari bankning boshqa hududlarida ham davom etadi.
Bank Axborot xizmati
Yana ko‘ring
Chortoq, Zomin hamda Loyish bank xizmatlari markazi boshqa yuridik manzilga koʻchirildi
