O‘zbekistonda yengil sanoatni yanada rivojlantirish va hududlarda yangi ish o‘rinlarini yaratish maqsadida tadbirkorlik subyektlari uchun yangi moliyaviy imkoniyatlar taqdim etilmoqda. Mazkur kredit dasturi to‘qimachilik, ipakchilik, charm-poyabzal hamda gilamchilik yo‘nalishlarida faoliyat yuritayotgan yoki ushbu sohalarda biznes boshlash istagidagi tadbirkorlar uchun mo‘ljallangan.
Dastur doirasida ayniqsa olis va chekka hududlarda ishlab chiqarishni yo‘lga qo‘yishga alohida e’tibor qaratilgan. Xususan, 3–5 toifadagi tumanlarda yangi filial ochib, kamida 200 ta ish o‘rni yaratgan va o‘rtacha oylik ish haqini 2,5 million so‘mdan kam bo‘lmagan miqdorda ta’minlagan korxonalar uchun keng imkoniyatlar yaratiladi.
- ishlab chiqarish uskunalarini xarid qilish;
- aylanma mablag‘larni to‘ldirish;
- faktoring xizmatlarini yo‘lga qo‘yish;
- savdo operatsiyalarini moliyalashtirish;
- pillachilik klasterlari uchun urug‘ va xomashyo xaridi hamda qurtxonalar qurish.
Foiz stavkalari ham tadbirkorlar uchun qulay: milliy valyutadagi kreditlar Markaziy bank asosiy stavkasida, xorijiy valyutadagi aylanma mablag‘lar uchun 7 foiz, savdo operatsiyalari uchun esa 6 foiz etib belgilangan.
Kredit olish uchun tadbirkorlardan biznes-reja, shartnomalar, eksport-import kontraktlari hamda ish o‘rinlari yaratilishini tasdiqlovchi hujjatlar talab etiladi. Shuningdek, kredit ajratish qarori qarz oluvchining to‘lov qobiliyati va ijobiy skoring natijalariga asoslanadi.
Mazkur dastur “Yengil sanoatni rivojlantirish agentligi” qoshidagi qo‘llab-quvvatlash jamg‘armasi mablag‘lari hisobidan moliyalashtiriladi va yengil sanoat korxonalarining eksport salohiyatini oshirish, yangi ishlab chiqarish quvvatlarini yaratish hamda bandlikni ta’minlashga xizmat qiladi.
Tadbirkorlar uchun ushbu imkoniyat — biznesni kengaytirish va yangi bosqichga olib chiqish uchun muhim qadam bo‘lishi kutilmoqdaBank Axborot xizmati
Yana ko‘ring
Rossiya — O‘zbekiston o‘rtasida pul o‘tkazish endi yanada qulay va tez!
“Kitob o‘qish soati”da “Men sevgan kitob” tanlovi
Tadbir yakunida “Eng ilhomlantiruvchi parcha”ni o‘qib bergan xodimlar esdalik sovg‘alari bilan taqdirlanishdi.
