Bugun ijtimoiy tarmoqlarda “Mikrokreditbank” АTB Qashqadaryo viloyati mintaqaviy filialining bank tomonidan ajratilgan kreditlarning ayrim yig‘ma jildlari bankda mavjud emasligi to‘g‘risidagi xabar tarqaldi.
Mazkur holat oʼrganilganda, “Mikrokreditbank” АTB Qashqadaryo viloyati mintaqaviy filialida kredit yig‘ma jildlari inventarizatsiyadan oʼtkazilayotgani shuningdek, bugungi kunda Qashqadaryo viloyati mintaqaviy filialida davom etayotgan inventarizatsiya jarayonida ayrim kredit yig‘ma jildlari bankda mavjud emasligi maʼlum bo‘ldi. Аyni damda ushbu holatlar bo‘yicha bank maʼsul xodimlari tomonidan tegishli choralar koʼrilayotgan boʼlib, inventarizatsiya tugatilgandan soʼng yuzaga kelgan bu kabi voqea va aniqlangan kamchiliklar boʼyicha bankning maʼsul xodimlariga belgilangan tartibda qonuniy choralar koʼriladi hamda bu haqda yana qoʼshimcha maʼlumot taqdim etiladi.
Shu o‘rinda “Mikrokreditbank” АTB Qashqadaryo viloyati mintaqaviy filiali rahbariyati kredit yig‘ma jildlarini oʼzida saqlab turgan fuqaromizdan boshqa fuqarolarga aloqador maʼlumotlarning sir saqlanishini va davlat banki bo‘lgan “Mikrokreditbank” АTBning aktivlari butligini taʼminlash maqsadida kredit yig‘ma jildlarining bankka qaytarilishini fuqarolik burch deb hisoblab, hujjatlarni qaytarishga amaliy yordam berishini so‘raydi.
Shuningdek, bu kabi holatdan oʼz vaqtida xabardor qilgan ijtimoiy tarmoq kanali muallifining hamkorligini qadrlashimizni taʼkidlamoqchimiz.
Bank Аxborot xizmati
Yana ko‘ring
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
