Parrandalar nafaqat go‘shti, tuxumi, balki pati uchun ham boqiladi. Bu soha hozirga kelib chorvachilikdagi asosiy yo‘nalishlardan biriga aylanib ulgurdi. Buning sababi – parranda boqish katta xarajat talab qilmaydi, saqlash inshootlari juda oddiy.
Mutaxassislar fikricha, iqtisodiy yetakchi davlatlarda ham parrandachilikka katta e'tibor qaratiladi. Chunki aynan parrandachilik aholini go‘sht, umuman, oziq-ovqat mahsulotlariga bo‘lgan talabini qondirishda asosiy ahamiyat kasb etadi, shuningdek, aholini ish bilan band bo‘lishiga hissa qo‘shadi.
Toshkent viloyati Yuqorichirchiq tumanida joylashgan “ZOXID AGRO” masʼuliyati cheklangan jamiyati “Mikrokreditbank” ATB G‘azalkent BXO bilan hamkorlikda parrandachilik yoʻnalishidagi qator loyihalarni amalga oshirmoqda.
Bugun mazkur korxona faoliyati bilan tanishish uchun bir guruh OAV vakillari uchun press-tur tashkil etildi.
Korxona 2018-yilda tashkil etilgan boʻlib, asosiy faoliyat yoʻnalishi parrandachilikni rivojlantirishdan iborat. Hozirda korxonada 15 nafar doimiy ishchi mehnat qilmoqda, yaqin kelajakda yana 10 ta mavsumiy ish oʻrni yaratiladi.
Quvonarlisi, “ZOXID AGRO” MCHJ Mikrokreditbank bilan hamkorlikda qator investitsiya loyihalarini amalga oshirdi:
• 2024-yil may oyida 4,5 mlrd soʻmlik kredit asosida zamonaviy asbob-uskunalar va dorivor vositalar xarid qilindi;
• 2024-yil dekabr oyida 4,5 mlrd soʻm kredit asosida vitamin va yem-xashak taʼminoti yoʻlga qoʻyildi;
• 2025-yil aprel oyida 1 mlrd soʻmlik kredit hisobidan korxonaga quyosh panellari va zamonaviy jihozlar oʻrnatildi.
Korxona yillik 80-90 ming bosh broyler joʻja yetishtirish imkoniyatiga ega boʻlib, bu yillik 200-250 tonna goʻsht mahsulotini ishlab chiqarishga xizmat qiladi. Umumiy quvvat esa yiliga 600 tonnadan ortiqni tashkil etadi.
“ZOXID AGRO” MCHJning mazkur loyihalari hududda yangi ish oʻrinlari yaratish, aholi bandligini taʼminlash hamda ichki bozorni sifatli goʻsht mahsulotlari bilan taʼminlashda muhim ahamiyatga ega.
Maʼlumot uchun, “ZOXID AGRO” MCHJ – parrandachilik sohasida faoliyat koʻrsatayotgan mahalliy ishlab chiqaruvchi hisoblanadi. Korxona “Mikrokreditbank” bilan hamkorlikda qator loyihalarni amalga oshirib, yurtimiz va viloyat iqtisodiyoti rivojiga katta hissa qoʻshib kelmoqda.
Joriy yilning oʻtgan davrida bank tomonidan 29 ta parrandachilik xoʻjaligiga 267,4 mlrd. soʻm kredit mablagʻlari ajratilib, 639 ta yangi ish oʻrinlari yaratildi.
Ushbu kreditlarning 103,7 mlrd. soʻmi yangidan tashkil etilgan loyihalarga va 163,7 mlrd. soʻmi kam quvvatda ishlayotgan parrandachilik xoʻjaliklariga yoʻnaltirildi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
