Bugun “Mikrokreditbank” va Toshkent Kimyo xalqaro universiteti o‘rtasida hamkorlik memorandumi imzolandi.
Mazkur memorandum doirasida maxsus tanlov asosida yuqori natija ko‘rsatgan 10 nafar talabaga ularning akademik ko‘rsatkichlari va natijalariga muvofiq kontrakt to‘lovlarini qoplash shaklida moliyaviy ko‘mak ko‘rsatiladi.
Shuningdek, talabalar o‘z qiziqishlari, bilim va salohiyatlaridan kelib chiqib, “Mikrokreditbank”da amaliyot va stajirovka o‘tash imkoniyatiga ega bo‘ladilar. Kelgusida esa ular bank tizimida faoliyat yuritish uchun ishga taklif etilishi mumkin.
Ushbu tashabbus Yurtboshimiz tomonidan yoshlarni qo‘llab-quvvatlash, ularning salohiyatini ro‘yobga chiqarish, ta’lim va bandlik imkoniyatlarini kengaytirish bo‘yicha berilgan topshiriqlar doirasida amalga oshirilmoqda.
Hamkorlikdan ko‘zlangan asosiy maqsad — iqtidorli yoshlarni qo‘llab-quvvatlash, ularning kasbiy rivojlanishiga ko‘maklashish hamda ta’lim muassasasi va bank tizimi o‘rtasidagi amaliy aloqalarni yanada mustahkamlashdan iborat.
Mazkur memorandum yoshlar uchun yangi imkoniyatlar yaratib, ularning kelajakdagi kasbiy faoliyatiga mustahkam zamin bo‘lib xizmat qiladi.
Bank Axboot xizmati
Смотрите также
MKBANKda xavfsizlik darajasi yanada oshirilmoqda
Dam olish kunlari ham ishlaymiz!
