MKBANKdan — Onlayn Eskrou xizmati!

Endi MAVRID ilovasi orqali mol-mulk oldi-sotdi jarayonlarida eskrou hisobvarag'ini ochish va yuritishni to‘liq onlayn, xavfsiz va ishonchli tarzda amalga oshirish mumkin.

Eskrou nima va nima uchun muhim?
Eskrou — xaridor va sotuvchi o‘rtasidagi hisob-kitoblarning ishonchli mexanizmi hisoblanadi. Unda pul mablag‘lari bankning maxsus himoyalangan hisobvarag‘ida saqlanadi va faqat bitim notarial tartibda rasmiylashtirilgandan so‘ng sotuvchiga o‘tkaziladi. Bu esa har ikki tomon manfaatlarining himoya qilinishini ta’minlaydi.

MAVRID ilovasida joriy etilgan yangi xizmat tufayli eskrou hisobvarag‘ini ochish va undan foydalanish jarayoni to‘liq raqamlashtirildi.

Endilikda mijozlar bank bo‘limlariga tashrif buyurmasdan turib, masofadan eskrou hisobvarag‘ini ochishlari va uni boshqarishlari mumkin.

Onlayn Eskrou xizmatining asosiy afzalliklari:
✅ Qog‘ozbozlik kamayadi, ortiqcha vaqt sarflanmaydi;
✅ Xaridor mablag'lari bank nazorati ostida to‘liq himoyalanadi;
✅ Sotuvchi to‘lov kafolatlanganiga ishonch hosil qiladi;
✅ Barcha jarayon shaffof amalga oshiriladi.

Onlayn Eskrou xizmati — xaridor va sotuvchi manfaati birdek himoyada!

Bank Axborot xizmati