Mikrokreditbank “Quyonchilik sohasini, quyon mahsulotlarini va uning foydali jihatlarini ommaviy axborot vositalarida eng yaxshi yoritilishi” mavzusida jurnalistlar va blogerlar oʼrtasida tanlov eʼlon qiladi.
Tanlovning maqsadi: Oʼzbekistonda quyonchilik sohasini rivojlantirish, aholining mazkur masalaga eʼtiborini qaratib uning foydalilik xususiyatlarini keng yoritishdan iborat. Tanlovga ishtirokchilaridan 3 tadan kam boʼlmagan jurnalistik materiallar qabul qilinadi.
Tanlov materiallarining tili: oʼzbek, rus va qoraqalpoq tillari. Hujjatlarni joʼnatishning eng oxirgi muddati: 2020-yil 15-dekabr soat 17:00 (GMT+6) gacha.
Tanlov ishtirokchilar quyidagi yoʼnalishlarda gʼolib boʼlishlari mumkin:
Televideniya yoʼnalishi boʼyicha
- Eng yaxshi reportaj
- Eng yaxshi telelavha
Radio yoʼnalishi boʼyicha
- Eng yaxshi reportaj
- Eng yaxshi radio eshittirish
Matbuotda
- Eng yaxshi reportaj
- Eng yaxshi maqola
Internet saytida
- Eng yaxshi reportaj
- Eng yaxshi maqola
Blogerlar orasida
- Eng ommabop blogpost
Tanlov natijalariga koʼra:
- har bir yoʼnalish boʼyicha 1 tadan asosiy gʼolibga zamonaviy noutbuk
- har bir yoʼnalish boʼyicha 1 tadan ragʼbatlantiruvchiga uyali telefon.
Tanlovda Oʼzbekiston ommaviy axborot vositalarida 2020-yil 1-iyuldan 2020-yil 10-dekabrgacha chop etilgan materiallari, blogerlik ishlari bilan ishtirok etish mumkin.
Tanlovga materiallar qatnashchi haqida qisqacha maʼlumot, xizmat qilayotgan OАV nomi, (blogi) lavozimi va telefon raqamini koʼrsatgan holda, 2020-yil 15-dekabr kuniga qadar info@mikrokreditbank.uz elektron pochtasida va/yoki 97 130 96 66 telegram manzilida qabul qilinadi.
Hujjatlaringiz bizga toʼliq yetib kelganligini (71) 273 28 10 raqamiga telefon qilib, tasdiqlatib olishni unutmang.
