Mahallalarda aholi bilan ishlash tizimini yangi bosqichga olib chiqish, mavjud muammolarni joyida aniqlash va ularni manzilli hal etish borasidagi ishlar “Dolzarb 40 kunlik” doirasida izchil davom ettirilmoqda.
Joriy yilning 21-iyul kuni davlatimiz rahbari raisligida o‘tkazilgan videoselektor yig‘ilishida “Mahalla yettiligi” faoliyatini yangicha tashkil etish, mahallalarda aholi murojaatlari bilan ishlash samaradorligini oshirish hamda hududlarda mavjud muammolarni bevosita joyiga chiqqan holda o‘rganishga alohida e’tibor qaratildi.
Mazkur topshiriqlar ijrosini ta’minlash, shuningdek, “Dolzarb 40 kunlik” tadbirlari doirasida joriy yilning 17-avgust kuni “Mikrokreditbank” ATB Boshqaruv raisi o‘rinbosari Ikrom Djumaniyazov boshchiligidagi ishchi guruh tomonidan Toshkent viloyatining Oqqo‘rg‘on va Piskent tumanlarida tanlab olingan tayanch mahallalar joyiga chiqqan holda o‘rganildi.
O‘rganishlar davomida mahallalarda aholi bilan ishlash holati, fuqarolarning murojaatlari va muammolarini aniqlash, ularni hal etishda mas’ul tashkilotlarning hamkorligi, shuningdek, tadbirkorlikni rivojlantirish va yangi ish o‘rinlarini yaratish bo‘yicha amalga oshirilayotgan ishlar tahlil qilindi.
Alohida e’tibor mahallalarning iqtisodiy salohiyatidan samarali foydalanish, aholining bandligini ta’minlash, tadbirkorlik tashabbuslarini qo‘llab-quvvatlash hamda moliyaviy xizmatlardan foydalanish imkoniyatlarini kengaytirishga qaratildi.
Ishchi guruh tomonidan mahalla hududidagi mavjud imkoniyatlar bilan bir qatorda, aholi va tadbirkorlarning kredit va moliyaviy xizmatlarga bo‘lgan ehtiyojlari ham o‘rganildi. Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
“Mikrokreditbank” ATB tomonidan “Dolzarb 40 kunlik” doirasida amalga oshirilayotgan bu kabi amaliy o‘rganishlar mahallalarda tadbirkorlik muhitini yaxshilash, aholi daromadlarini oshirish va yangi ish o‘rinlarini yaratishga xizmat qiladi.
Bank Axborot xizmati
See also
“MUSTAQILLIK VA MEN” — RASMLAR TANLOVIGA MARHAMAT!
Tanlovda 6–11 yoshdagi bank xodimlarining farzandlari ishtirok etishi mumkin.
MKBANK va FOTON strategik hamkorlik va boʻlib toʻlash shartlari!
