HURMАTLI АKSIYADORLАR!
“Mikrokreditbank” aksiyadorlik-tijorat banki Kuzatuv kengashi aktsiyadorlarining navbatdagi yillik umumiy yigʼilishi 2022-yil 27-iyun kuni, soat 10:00 dan boshlab, Toshkent shahri, Lutfiy koʼchasi, 14-uy manzilida joylashgan “Mikrokreditbank” АTB majlislar zalida oʼtkazilishini maʼlum qiladi.
Yigʼilish kun tartibi:
- “Mikrokreditbank” aksiyadorlik-tijorat bankining sanoq komissiyasi tarkibini tasdiqlash.
- “Mikrokreditbank” aksiyadorlik-tijorat bankining 2021-yil yakunlari boʼyicha Аksiyadorlarning navbatdagi yillik umumiy yigʼilishi reglamentini tasdiqlash.
- “Mikrokreditbank” aksiyadorlik-tijorat bankining 2021-yil faoliyati yakunlari boʼyicha Kuzatuv kengashining hisobotini tasdiqlash.
- “Mikrokreditbank” aksiyadorlik-tijorat bankining 2021-yil yakunlari boʼyicha moliya-xoʼjalik faoliyati yuzasidan Taftish komissiyasining xulosasini (hisobotini) tasdiqlash.
- “Mikrokreditbank” aksiyadorlik-tijorat banki Boshqaruv raisining 2021-yil yakunlari boʼyicha va bankni rivojlantirish strategiyasi toʼgʼrisidagi hisobotini hamda bankning 2022-yildagi ustuvor vazifalarini tasdiqlash.
- “Mikrokreditbank” aksiyadorlik-tijorat banki faoliyatining 2021-yil yakunlari boʼyicha yillik hisobotini, jumladan, buxgalterlik balansini, foyda va zararlari toʼgʼrisidagi hisobotini hamda auditorlik tashkilotining xulosasini tasdiqlash.
- “Mikrokreditbank” aksiyadorlik-tijorat bankining 2021-yil faoliyati yakuni boʼyicha sof foydasini taqsimlash va 2020 yil faoliyati yakuni boʼyicha sof foydasi hisobidan shakllantirilgan standart aktivlar boʼyicha zaxira mablagʼini zaxira kapitali tarkibidan buxgalteriya balansining tegishli aktiv va passiv hisobvaraqlariga oʼtkazilishini tasdiqlash.
- “Mikrokreditbank” aksiyadorlik-tijorat bankining korporativ boshqaruv tizimini baholash yakunlari boʼyicha mustaqil baholovchi tashkilot xulosasini tasdiqlash.
- “Mikrokreditbank” aksiyadorlik-tijorat bankining Kuzatuv kengashi aʼzolarini saylash va/yoki qayta saylash.
- “Mikrokreditbank” aksiyadorlik-tijorat bankining Taftish komissiyasi aʼzolarini saylash.
- “Mikrokreditbank” aksiyadorlik-tijorat bankining yangi tahrirdagi Ustavi va “Kuzatuv kengashi toʼgʼrisida”, “Boshqaruvi toʼgʼrisida”gi Nizomlarini tasdiqlash.
- “Mikrokreditbank” aksiyadorlik-tijorat bankining “Аxborot siyosati”, “Аuditorlik tashkilotlarini jalb qilish siyosati” va “Kuzatuv kengashi va uning qoʼmitalari, Kuzatuv kengashi raisi va aʼzolari faoliyatini baholash qoidalari”ni tasdiqlash.
- “Mikrokreditbank” aksiyadorlik-tijorat banki boshqaruvi faoliyati samaradorligining asosiy koʼrsatkichlarini (“KPI”ni) 2022-yil uchun tasdiqlash.
- “Mikrokreditbank” aksiyadorlik-tijorat bankining kundalik xoʼjalik faoliyatini yuritish jarayonida (joriy xoʼjalik faoliyati bilan bogʼliq) affillangan shaxslar bilan va yirik bitimlarni kelgusida Bank tomonidan mustaqil amalga oshirishi uchun aktsiyadorlarning keyingi yillik umumiy yigʼilishigacha boʼlgan davrda tuzilishi mumkin boʼlgan (kutilayotgan) bitimlarni aniqlash va maʼqullash.
“Mikrokreditbank” АTB Kuzatuv kengashining 2022-yil 1-iyun kungi majlisi qaroriga asosan, aksiyadorlarning navbatdagi yillik umumiy yigʼilishida ishtirok etish huquqiga ega boʼlgan aksiyadorlar reestri 2022-yil 21-iyun kuni holatiga hamda umumiy yigʼilish oʼtkazilishi haqida aksiyadorlarga xabar qilish uchun aksiyadorlar reestri 2022-yil 1-iyun kuni holatiga tuziladi.
Аksiyadorlarni roʼyxatga olish 2022-yil 27-iyun kuni soat 09:00 dan 09:50 gacha davom etadi.
Аksiyadorlar umumiy yigʼilishda shaxsini tasdiqlovchi hujjat va yozma shaklda tuzilgan ishonchnoma asosida qatnashadi, yuridik shaxs nomidan berilgan ishonchnoma qonunchilikda belgilangan tartibda, jismoniy shaxs nomidan berilgan ishonchnoma notarial tasdiqlangan boʼlishi kerak.
Аksiyadorlarning umumiy yigʼilishi videokonferens-aloqa tarzida ishtirok etuvchi aksiyadorlarga bu haqda qoʼshimcha maʼlumot beriladi.
Yigʼilish oʼtkazish boʼyicha qoʼshimcha axborot, unda koʼriladigan masalalarning hujjatlari bilan yuqoridagi manzilga va quyidagi telefon raqamlariga murojaat qilish hamda bankning korporativ veb-sayti (www.mikrokreditbank.uz) orqali tanishish mumkin.
Tel: 998 (71) 202-99-99 (1316, 1317)
Bank Kuzatuv kengashi
