Ishdagi mas’uliyatli kunlardan so‘ng jamoa bilan birgalikda tabiat qo‘ynida vaqt o‘tkazish — kayfiyatni ko‘tarish, yangi taassurotlar olish va do‘stona munosabatlarni yanada mustahkamlashning ajoyib imkoniyatidir.
“Sayohatchi bankir” loyihasining bu galgi manzili — Toshkent viloyatining so‘lim va betakror maskanlaridan biri Paltau sharsharasi bo‘ldi.
Tog‘lar bag‘ridagi musaffo havo, aql bovar qilmas go‘zallikka ega tabiat, qoyalar orasidan oqib tushayotgan zilol suv va sharsharaning mahobatli manzarasi MKBANK jamoasiga o‘zgacha zavq va ko‘tarinki kayfiyat bag‘ishladi.
Jamoamiz hiking sayohatini, avvalo, Obi Rahmat g‘origa borishdan boshladi. Bu yerda paleolit davriga oid qadimgi odamlar manzilgohi topilgani haqidagi qiziqarli ma’lumotlar bilan tanishildi. Tarix va tabiat uyg‘unligi sayohatimizni yanada mazmunli qildi.
Sayohatning asosiy manzili — Paltau sharsharasiga yetib kelganimizda esa tabiatning betakror manzarasi barchaga unutilmas taassurot ulashdi. Taxminan 35–38 metr balandlikdan tushayotgan sharshara suvi tog‘lar bag‘rida o‘ziga xos go‘zallik kasb etadi.
“Paltau” nomi turkiy tildan “temir tog‘” deb tarjima qilinadi. Sharshara atrofidagi tog‘lar qadimdan temirga boy rudalari bilan mashhur bo‘lgan.
Birgalikdagi sayohat davomida jamoamiz vakillari tabiatdan bahramand bo‘lib, maroqli dam oldi, samimiy suhbatlar qurdi va yorqin taassurotlarni birga baham ko‘rdi.
Samimiy suhbatlar, ko‘tarinki kayfiyat va mustahkam jamoaviy ruh — MKBANK jamoasi bilan har bir lahza o‘zgacha!
See also
MKBANKda maʻnaviy-maʻrifiy uchrashuv oʻtkazildi
Mutaxassis va olimlar tomonidan mavzuga oid maʻruzalar qilinib, Prezidentimiz nutqida ilgari surilgan muhim gʻoya va tashabbuslarning mazmun-mohiyati atroflicha yoritib berildi.
Bayram kunlari ham ishlaymiz!
