MKBANKda Oʻzbekiston Respublikasi davlat mustaqilligining 35 yilligiga bagʻishlangan tantanali marosimda Oʻzbekiston Respublikasi Prezidenti Shavkat Mirziyoyev tomonidan soʻzlangan nutqning mazmun-mohiyatini keng targʻib etish va xodimlar oʻrtasida uning ahamiyatini tushuntirishga bagʻishlangan maʻnaviy-maʻrifiy tadbir tashkil etildi.
Uchrashuvda soha eksperti Respublika Maʼnaviyat va maʼrifat markazi bosh mutaxacsisi. “Maʼrifat” targʻibotchilar jamiyati aʼzosi Pardaxol Norqobilova “Milliy yuksalish oʻn yilligi: yetti milliy dastur yaxlit tizim sifatida” mavzusida, Falsafa fanlari boʻyicha falsafa doktori (PhD), Maʼrifat targʻibotchilar jamiyati aʼzosi Maftuna Namozova “Uch ming yillik ildiz va Uchinchi Renessans: tarixiy vorislik, milliy oʻzlik va maʼnaviy meros” Inson qadri — 35 yillik islohotlarning oʻlchovi: Erkinlik, bilim, sogʻliq va yoshlar” mavzusida o‘z ma’ruzalari bilan ishtirok etishdi.
Tadbir davomida ekspertlar tomonidan bank xodimlari, ustozlarga mamlakatimizda amalga oshirilayotgan islohotlarning mazmuni, erishilayotgan yutuqlar, milliy qadriyatlarni asrab-avaylash, yosh avlodni vatanparvarlik va yurt taqdiriga daxldorlik ruhida tarbiyalash masalalari yuzasidan fikrlar bildirildi.
Mutaxassis va olimlar tomonidan mavzuga oid maʻruzalar qilinib, Prezidentimiz nutqida ilgari surilgan muhim gʻoya va tashabbuslarning mazmun-mohiyati atroflicha yoritib berildi.
Shuningdek, tadbir davomida mamlakatimizda amalga oshirilayotgan keng koʻlamli islohotlar, xalqimizning boy tarixi va milliy qadriyatlarini aks ettiruvchi maxsus videoroliklar namoyish etildi.
Samimiy muloqot ruhida oʻtgan uchrashuv fikr-mulohazalarga boy boʻldi.
Bunday maʻnaviy-maʻrifiy tadbirlar xodimlarning tarixiy xotira, milliy qadriyatlar va Vatanga daxldorlik tuygʻusini yanada mustahkamlash, shuningdek, jamiyatda roʻy berayotgan yangilanish va islohotlarning mazmunini chuqur anglashiga xizmat qiladi.
Bank Axborot xizmati
See also
Bayram kunlari ham ishlaymiz!
SWIFT o‘tkazmalarida maxsus tarif: qo‘shimcha to‘lovlar bekor qilindi
