15-iyun kuni MKBANK jamoasi Markaziy Osiyoning eng manzarali ultramarafonlaridan biri — ZAAMIN ULTRA 2025da qatnashdi!
14−15-iyun kunlari Zomin milliy tabiat bog‘ida beshinchi bor xalqaro Zaamin Ultra marafoni o‘tkazildi. 17 ta mamlakatdan 3500 dan ortiq ishtirokchi hamda mehmon qatnashgan sport va madaniyat festivali barchaga unutilmas hissiyotlarni taqdim etdi.
Marafonda yuzlab havaskor va professional yugurish ishqibozlari tog‘ oralab 2, 5, 10, 21 kilometrlik masofalarda o‘z irodasi hamda sabrini sinovdan o‘tkazishdi.
MKBANK xodimlari tog‘lar bag‘rida jamoaviy irodani namoyon etish bilan birga, sport shunchaki mashg‘ulot emas, balki korporativ madaniyatning muhim qismi ekanligini isbotladi.
Shuningdek, marafonda xodimlarimiz munosib o‘rinlarni qayd etishdi.
Banklar bo‘yicha 5 km masofada Shoyimov Jahongir 2-o‘rinni,
10 kmlik masofada Hasanov To‘lqin 5-o‘rinni qo‘lga kiritishdi.
Ushbu g‘alaba bilan ishtirokchilarni qutlaymiz!
O‘zida birdamlik, hayajon, kuch va o‘zaro ishonchni namoyon etgan marafon videosi bu yerda
See also
Technical adjustment work will be carried out!
A mass dictation competition was held at MKBANK under the motto "May your dignity be high, my native language!"
