Bank sarmoyalari – tadbirkorlarga - JSCB “Microcreditbank”

Currency	Purchase	Sale	CBU
USD	11940	12020	11969.66
EUR	13500	14000	13927.9
RUB		155	152.56
GBP	15700	16700	16083.63
CHF	14500	15500	14950.86
JPY	70	100	75.57

Qashqadaryo viloyatida “Mikrokreditbank” tomonidan “Bank sarmoyalari – tadbirkorlik, bunyodkorlik va taraqqiyot xizmatida” mavzusida ko`rgazmali-seminar bo`lib o`tdi. Unda mazkur bankning viloyatlardagi filiallari rahbarlari, xususiy biznes vakillari, fermerlar va ommaviy axborot vositalari xodimlari ishtirok etdi.

Qashqadaryo viloyatida mazkur bank filiali tomonidan ajratilgan mikrosarmoyalardan foydalanib, yakka tadbirkorlikni rivojlantirayotgan, ishlab chiqarishni tashkil etish va yangi ish o`rinlari yaratishda samarali yutuqlarni qo`lga kiritayotgan ishbilarmonlar soni yildan-yil ortib bormoqda. Hududda bankning 9 filiali, 39 minibanki va 3 agentligi mijozlarga zamonaviy bank xizmatlarini ko`rsatmoqda.

Bank matbuot xizmatidan ma`lum qilishlaricha, “Qishloq taraqqiyoti va farovonligi yili” Davlat dasturi doirasida joriy yilning o`tgan davrida viloyatdagi tadbirkorlarga imtiyozli shartlar asosida 11 milliard so`mdan ortiq mablag` ajratilgan. Bu o`tgan yilning shu davriga nisbatan 2,9 barobar ko`pdir. Ushbu mablag`lar ichki bozorni tovarlar bilan to`ldiradigan kichik biznes va xususiy tadbirkorlik subyektlarining ishlab chiqarish salmog`ini oshirishga xizmat qilayotir.

Bankning Qashqadaryo viloyati filiali tomonidan kichik biznes va xususiy tadbirkorlik uchun joriy yilning o`tgan davrida ajratilgan mablag`lar hisobidan viloyatda 11,5 mingdan ko`proq yangi ish o`rni yaratildi. Ushbu mablag`lar hisobiga xizmat ko`rsatish komplekslari qurildi. Parrandachilik, chorvachilik, issiqxona xo`jaliklari, sut va go`sht mahsulotlarini qayta ishlash, mahallliy mahsulotlardan qurilish materiallari ishlab chiqarish, oziq-ovqat va qandolatchilik mahsulotlari ishlab chiqarish yanada kengaydi.

Joriy yilda xotin-qizlarni tadbirkorlikka jalb etish, ularni doimiy ish bilan ta`minlash va moliyaviy qo`llab-quvvatlash maqsadida ajratilgan 978,6 million so`m miqdoridagi sarmoya evaziga qariyb 900 yangi ish o`rni yaratildi.

Anjumanda bank mutaxassislari bilan ishbilarmonlar tadbirkorlikni tashkil etish, qishloq sharoitida mikrosarmoyalardan yanada samaraliroq foydalanish, joylardagi ishlab chiqarish ko`lamini kengaytirish, ko`rsatilayotgan xizmatlar sifatini oshirish imkoniyatlari borasida fikr almashdilar.

Seminar doirasida bank sarmoyalari evaziga ishlab chiqarilgan mahsulotlar

Vote